11 мамырда бірнеше өңірде найзағай ойнап, жаңбыр жауады

"Қазгидромет" РМК синоптиктері ертең, 11 мамырда бірнеше өңірде найзағай ойнап, жаңбыр жауатынын және тұман болатынын болжады, - деп хабарлайды Massaget.kz тілшісі.

Ақмола облысының солтүстігінде, батысында, оңтүстігінде найзағай ойнайды. Түнде және таңертең облыстың батысында тұман болады. Оңтүстік-батыстан соғатын жел солтүстік-шығысқа ауысады, облыстың солтүстігінде, шығысында, батысында екпіні 15-20 м/с-қа жетеді.

Маңғыстау облысының батысында, оңтүстігінде тұман.

Батыс Қазақстан облысының батысында, солтүстігінде, күндіз облыстың басым бөлігінде найзағай ойнайды. Солтүстік-шығыстан, шығыстан жел соғады, облыстың батысында, солтүстігінде екпіні - 15-20 м/с. 

Астанада да найзағай ойнайды. Оңтүстік-батыстан соғатын жел солтүстік-шығысқа ауысады, екпіні 15-20 м/с-қа жетеді.

Қызылорда облысында өрт қаупі бар.

Солтүстік Қазақстан облысының басым бөлігінде жаңбыр жауады. Түнде облыстың оңтүстігінде, күндіз шығысында найзағай ойнайды. Облыстың батысында, солтүстігінде тұман болады. Солтүстік-шығыстан жел соғады, облыстың оңтүстігінде екпіні - 15-20 м/с.

Павлодар облысының оңтүстігінде, шығысында найзағай ойнайды. Солтүстік-шығыстан жел соғады, облыстың оңтүстік жартысында екпіні 15-20 м/с-қа жетеді. 

Абай облысының батысында, солтүстігінде, орталығында жел солтүстік-батыстан, солтүстіктен соғады, күші 15-20 м/с-қа жетеді.

Қостанай облысының оңтүстігінде, шығысында найзағай ойнайды. Облыстың батысында, солтүстігінде тұман болады. Солтүстік-шығыстан жел соғады, облыстың шығысында, оңтүстігінде екпіні - 15-20 м/с. Облыстың оңтүстігінде жоғары өрт қаупі бар.

Түркістан облысының тауларында найзағай. Оңтүстік-шығыстан, оңтүстіктен жел соғады, күндіз облыстың тау асуларында күші 15-20 м/с-қа жетеді.

Ақтөбе облысының солтүстігінде, батысында тұман болады.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!