1 наурыздан бастап жұма намазының уақыты өзгереді
![1 наурыздан бастап жұма намазының уақыты өзгереді](/userdata/news/news_102173/image_l.jpg)
1 наурыздан бастап жұма намазының уақыты өзгереді, - деп хабарлайды Massaget.kz тілшісі.
2024 жылғы 29 ақпанынан 1 наурызға қараған түні сағат 00:00-де Астана, Алматы, Шымкент, Абай, Ақмола, Жамбыл, Жетісу, Қарағанды, Қостанай, Павлодар, Солтүстік Қазақстан, Түркістан, Ұлытау және Шығыс Қазақстан облыстары жергілікті уақытты 1 сағатқа артқа жылжуына байланысты ліміздің барлық аймағы 5-сағаттық белдеуде орналасады.
Осыған байланысты Қазақстан мұсылмандары діни басқармасы намаз уақытына қатысты мәлімдеме жасады.
"29 ақпаннан 1 наурызға қараған түні сағат 00:00-де Қазақстан бойынша UTC (Дүниежүзілік үйлестірілген уақыт) +5 уақытына ауысқан сәтте намаз уақыттары да автомат түрде өзгереді. Қазақстан мұсылмандары діни басқармасының ресми www.muftyat.kz сайтындағы намаз кестесінен өздеріңізге қажетті ауыл мен қаладағы намаз уақыттары жайлы мәліметтерді алуға болады. Ал жұма намазына қатысты мәлімет төмендегі кестеде көрсетілді", - делінген хабарламада.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Сатыбалдина