1 қыркүйекте мектеп аумағында мұғалімдерге гүл және өзге де сыйлықтар беруге болмайды. Бұл туралы ОКҚ брифингінде оқу-ағарту бірінші вице-министрі Шынар Ақпарова айтты, - деп хабарлайды Massaget.kz тілшісі.
"Жергілікті атқарушы органдарға хат жолдадық. Мектеп қабырғасында гүл және қандай да бір сыйлықтар тарту етуге рұқсат етілмейді. Біз мұны арнайы көрсеттік. Сондықтан бұған ешқандай қажеттілік жоқ", - деді Шынар Ақпарова.
Бұдан бөлек, 1 қыркүйекте барлық мектепте бірыңғай сынып сағаттары өткізіледі. Колледждерде кураторлық сағаттар ұйымдастырылады. Шынар Ақпарованың айтуынша, олардың ұзақтығы шамамен 45 минут болады.
Өзекті жаңалықтарды өз уақытында оқу үшін Facebook парақшамызға жазылыңыз!
Ж. Қадыржанова