Қазақстанда ең жоғары жалақы төленетін салалар аталды

Ұлттық статистика бюросы жалдамалы қызметкерлердің былтырғы IV тоқсандағы жалақысы туралы ақпарат жариялады, - деп хабарлайды Massaget.kz тілшісі.

Ең жоғары жалақы туралы

• Мәліметтерге сүйенсек, 2024 жылдың IV тоқсанындағы ең жоғары жалақы – 890 573 теңге. Бұл сақтандыру және қаржы қызметі саласындағы қызметкерлерге төленген.
• Тау-кен өнеркәсібі мен карьерлерді игеру саласында жұмыс істейтіндер 856 521 теңге табыс тапқан. Былтыр жыл аяғында өнеркәсіп саласындағы орташа жалақы 545 797 теңге болған.
• Ақпарат және байланыс саласында жұмыс істейтіндер 809 564 теңге алған.
• Кәсіби, ғылыми және техникалық қызмет саласында 614 101 теңге жалақы тіркелген.
• Көлік және қоймалау саласында жұмыс істейтіндердің табысы 532 752 теңге болған.

Ең төмен жалақы туралы

Ең төмен жалақы ауыл, орман және балық шаруашылығы саласындағы қызметкерлерде (270 082 теңге); сумен жабдықтау, кәріз жүйесі, қалдықтарды жинау, өңдеу және жою қызметінде (274 994 теңге), сондай-ақ, өнер, ойын-сауық және демалыс саласында (291 282 теңге).

Өңірлер бойынша

Қазақстанның қалалары мен облыстары арасында ең жоғары орташа айлық жалақы Атырау облысында (593 653 теңге), Ұлытау облысында (582 943 теңге), Маңғыстау облысында (564 014 теңге), Астанада (548 579 теңге) және Алматыда (533 365 теңге) байқалған.

Өзекті жаңалықтарды өз уақытында оқу үшін Facebook парақшамызға жазылыңыз!