Леонардо да Винчидің насихаты

Өткен жолы Леонардо да Винчидің өмір жолы туралы әңгіме-дүкен құрып едік. Уәде бергеніміздей бүгін осы ұлы ғалымның афоризмдерін назарларыңызға ұсынамыз.

• Әлемде барлық нәрсе ерекше ақылгөйлікпен құрылған. Әркімнің өз жұмысымен айналысуы - міне, тірліктің ең басты әділеттілігі.
• Ақымақтардың бір тобы бар. Олар - екіжүзділер. Олар бөтенді алдадым деп ойлағанымен, шындығына келгенде, тек өздерін алдайды.
• Адамды мақтау арқылы зиян тигізуге де болады. Анығын білмесек те, біреуге мін айту арқылы бөтенге тигізер зиянымыз одан да көп. 
• Адал достарының көп болғанын қалаған адам өзі де адал және шыдамды болуы керек. Сонымен қатар, бөтеннің де қамын ойлап тұратын қасиетті бойынан таба білгені жөн. Осылайша кең пейіл арқылы адам қошемет пен құрметке ие болады. 
• Үміт жоқ жерде тіршілік жоқ.
• Еш жұмыссыз тұрған темірдің тот басып, бір орында тұра берген судың саситындығы секілді адам баласы миын жұмыс істетіп ойланбаса, қарайып-қаңырап қалатыны анық.
• Кез келген нәрсенің сұрауы бар.
• Тәжірибе арқылы табылмаған білімнің қатесі көп болады. 
• Уақыттың туысы - шындық.
• Шындық - түбі белгілі болмай қоймайды.
• Зұлымдыққа қарсы тұрмаған адам - оның жайылуының басты себепкері.
• Өмірді қадірлей білмеген адам, өмір сүруге лайық емес.
• Білім - басшы, тәжірибе - қосшы.
• Біреуді жамандап, өсектеу арқылы адам тек өзіне зиян келтіреді. 
• Ұстазынан аса алмаған шәкірт тұл.
• Әлемді тануға ұмтылу - адам жанының басты тамағы.
• Қарттығыңды жас кезіңде ойла.
• Адамның 3 түрі болады: өздігінен көретін, біреу көрсетсе ғана көретін, көрмейтін...

сурет: artmight.com