Қазіргі уақытта клип деген әнші мен әннің танылуына зор ықпал ететін аса маңызды дүниелердің бірі. Сол себептен де өнер иелері түсірілім жұмыстарына кететін шығынды мейлінше аямауға тырысады. Ал олардың талғамы мен қалтасының қалыңдығына қарай көсілетін клипмейкерлердің саны жылдан жылға өсіп келеді. Біреулері жұмысты санаулы адаммен бірге жүріп, енді біреулері үлкен түсірілім тобымен бірігіп істейді. Қайсысы болсын тапсырысты сапалы етіп орындауға тырысатыны анық. Алайда көп жұмыстың тек соңғы нәтижесін көретін көрермен әрдайым риза бола бермейтіні де бар. Ендеше, сіз бен біз көріп жүрген 4 минуттан асар-аспас видеолардың жарыққа шығуы үшін қандай тер төгіліп жатқанын "Гәкку" арнасы ұсынған топтамадан көріңіз.