Қазақстандық танымал әнші Димаш Құдайберген қытайлық Hunan TV телеарнасының PhantaCity жаңа музыкалық телешоуында өнер көрсетеді. ДHunan TV Вейбо парақшасындағы мәліметтерге сәйкес, PhantaCity музыкалық телешоуының сегізінші кезеңі бойынша түсірілім жұмыстары 15 тамызда басталған. Ол 14 қыркүйекте эфирден көрсетіледі. Отандасымыз бұл жобада Restart My Love әнін шырқайды. PhantaCity 12 кезеңнен тұратын музыкалық телешоу. Жобаның әр кезеңінде 4 әнші және кино актері орындаушы ретінде шақырылып, 32 күн дайындық жұмыстары жүргізіледі. Өнерпаздар 4 түсірілім тобымен бірге 8 минуттық қысқа музыкалық бейнебаян жасайды. Түсірілім барысы көрермендерге тікелей экраннан көрсетіліп, ән жанды дауыста орындалады. Әнші әнді орындаумен қатар, сценарий бойынша актерлік шеберлігін көрсетуі тиіс. Әр орындаушы үшін тек бір рет өнер көрсету мұмкіндігі берілген. Дереккөз: inform.kz