Қазақстандық оқулықтар Қытайда басылып шығады

Қазақстандық оқулықтар Қытайда және Түркияда басылып шығады, - деп хабарлайды Massaget.kz тілішсі Tengrinews.kz ақпараттық порталына сілтеме жасай отырып. 

"Оқулықтар Қазақстанда басылып шықпайды, негізінен Қытайда немесе Түркияда, себебі ол жақта арзан", - деді Сәрінжіпов Парламент Мәжілісінің үкімет сағатында.

"Сонда, барлық оқулық Қытайда басылады да, біздің баспалар оған өзінің атауларын жаза ма?", - деп сұрады төменгі палатаның вице-спикері Дариға Назарбаева.

Министр мәселенің шетелде шығатын оқулықтардың қаншалықты данамен шығаруында жатқанын айтты. Кітапты құрастыру Қазақстанда өтеді. 

"Бұл енді бизнестің мәселесі, қайда арзан болса, сонда басылып шығады. Бірақ оқулықтарды көптеп шығару үшін оның құнының 5-10%-ы жұмсалады. Негізгі құны - авторлық жұмыс, дизайн, әдіснама", - деді ҚР Білім және ғылым министрі.

Министрден бір оқулыққа баспаның қанша теңгеге шығындалатыны сұралды.

"Әрқалай. Себебі бұл жеке бизнес, біз олардың өзіндік құнын, баға белгілеуін білмейміз. Бірақ өткен жылы мақсатымыз 100%-ға қамтамасыз ету болды, облыстарға тапсырма бердік, 14 облыс жаңарып жатқан 4 сынып оқулықтарын сатып алуға 14 миллиард теңге бөлді. Сол кезде біз өзіміздің баламасы жоқ "Қазақ тілі" оқулығын басып шығардық. Авторлық ұжымды өзіміз жалдадық, себебі өзіміз негізгі бірыңғай оқулық шығаруды тексергіміз келді", - деді Сәрінжіпов. 

Бұл оқулықты шығару үшін министрлік 70 миллион теңге жұмсады. "Айтарлықтай үлкен сома. Яғни бұл тек авторлардың құрастыру бойынша жұмысы ғана емес, яғни 1-11 сыныптар аралығындағы оқулықтар, яғни шамамен бір сыныпқа 7 миллион теңге. Бұл авторлардың - қаламақысы, содан кейін дизайн бойынша мамандандырылған компанияның жұмысы, әдістеме бойынша жұмыс. Осыдан кейін ғана баспаның жұмысы - басып шығаруға көп қаржы кеткен жоқ", - деді ол.