Тәуелсіздік алған ширек ғасыр аралығында еліміз үлкен жетістіктерге қол жеткізгені баршаға аян. Әлемнің үздік мемлекеттерімен иық түйістіре алатын жағдайға жеттік. Дегенмен, бұл жетістіктің шегі емес.
Алдағы уақытта әлемдегі көшбастаушы елдердің қатарына қосылу жолын келер ұрпақтың білімі мен тәрбиесінен бастауды жөн көрген елбасымыз жаңа білім жүйесін қалыптастыруды жолға қойған болатын. Осы орайда елбасы Нұрсұлтан Назарбаев 12 жылдық жалпы орта білім беру тұжырымдамасын ұсынып отыр.
Бәсекеге қабілетті маман дайындауды мақсат тұтатын жаңа білім беру жүйесі тұжырымдамасын іске асыру шарттары мынадай:
1. 12 жылдық жалпы орта білім берудің жалпы мемлекеттік жалпыға міндетті білім беру стандартын даярлау.
2. Білім берудегі пәндік стандарттардың концептуалды және әдіснамалық негіздерін және мазмұнын дамыту;
3. «Білім туралы» Қазақстан Республикасының жаңа заң жобасын және тиісті нормативтік құқықтық актілерді даярлау.
4. Күтілетін нәтижелерге қол жеткізуді бағалаудың рейтингтік жүйесін даярлау;
5. Оқу-әдістемелік және материалдық-техникалық құралдарды ұсыну;
6. Тұтас мемлекет деңгейінде білім беру ұйымдарының жаңа формаларын қалыптастыру;
7. Мамандарды қайта даярлау және біліктілігін арттыру арқылы күтілетін нәтижелерге қол жеткізуге бағдарланған мұғалімдерді оқытуға бейімдеу;
8. 12 жылдық оқытуға көшуді қаржылық және материалдық-техникалық қамтамасыз ету;
12-жылдық білім беру тұжырымдамасын іске асыру шарттарына жауапты ретінде Республикалық ғылыми-практикалық орталық, Ы.Алтынсарин атындағы Қазақ білім академиясы, Білім беру сапасын бағалау ұлттық орталығы, Мемлекеттік білім беру ұлттық орталығы, Республикалық әдістемелік тестілеу орталығы, «Оқулық» республикалық ғылыми-практикалық орталығы, Ғылыми-педагогикалық қызметкерлерге білім беру республикалық институты тағайындалған.