Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Грант құтты болсын,
Грант құтты болсын, "балмұздақ"!

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / Мәңгілік ел / Түп тамыр / Асыл сөз / Шерхан Мұртазаның қанатты сөздері

Шерхан Мұртазаның қанатты сөздері

Шерхан Мұртазаның қанатты сөздері

Қазақтың біртуар ұлы, белгілі қоғам қайраткері, халық жазушысы Шерхан Мұртаза туралы әңгіме-естеліктер мен эссе-новеллалар көп жазылған. Қазақ әдебиетімен қоса журналистикасында өшпес өз із қалдырған, тілі шұрайлы, ойы құнарлы жазушының ел есінде қалған қанатты сөздерін назарларыңызға ұсынамыз.

Дарынды дарын таниды.

***
Айтса, дуалы ауыз айтсын.

***

Шындықты ақтарыла айту – қиынның қиыны.

***

Мәдениеттің мәйегі – кітап.

***

Заң дегеніміз – ноқта.

***

Ауыл кетсе, ұлттың ұйтқысы кетеді.

***

Пейілі жаманды құдай табады.

***

Шын жазушының көзі көкірегінде болады.

***

Шындық – ащы һәм ажарсыз.

***

Рухани азып-тозу – өліммен тең.

***

Күйреген рухты қайта көтеру – міне, қазіргі таңдағы басты мақсат осы!

***

Ана тіліміздің мәртебесін көтеру – басқа тілдердің жолын кесіп, бағын байлау емес. «Өзің өлме – өзгені де өлтірме» деген сөз. Зорлықпен тұншықтырылған қазақ тілін тірілту әрекеті. Осы да ұлтшылдық па? Жоқ, әлде әлдекімдердің көңіліне қарап өле беру керек пе?

***

Оңай олжа бермейді.

***

Өкініш түбі – өрт.

***

Улы араның денесінен тәтті бал тамшылайды.

***

Сенім жоғалған өмір – сергелдең өмір.

***

Сақтасаң, қазаққа жау болған қазақтан сақта!

***

Шикі долбар шикі ойдан туады.

***

Рухани әлемі кең, рухы биік ел – қайсар ел. Ондай елді ешкім жеңе алмайды.
Рухы сынған, рухани жүдеген елді жеңу де жеңіл.

***

Әскерге мылтықтан бұрын, тәртіп пен иман үйрету керек.

***

Тәуелсіздік адам құнымен өлшенеді.

***

Театр көбейсе, түрме азаяды.

***

Күнәнің ең үлкені – жас баланы алдау.

***

Тура келген ажалға амал жоқ. Ал тежей тұруға болатын сәтте көпе-көрнеу қол ұшын бермеу – нағыз тасқұдайлық.

***

Алтын бар жерде әзәзіл бар.

***

Мойныңа қарыз қарғыбауын тағып алғаннан артық ауыр нәрсе жоқ.

***

Тәуелсіздіктің жолы – қатты, дәмі – тәтті.

***

Теледидар – құдіретті күш. Ол да баяғы ертектегі дәу пері сияқты: кімнің «сиқырлы сақинасы» бар – соның құлақкесті құлы. «Адамдарды жаппай мәңгүрт ет» десе, мәңгүрт ете салады. «Жаппай иманды ет» десе, иманды ете алады.

***

Жаңаның тамыры – көне.

***

Уақыт – елеуіш: кез келген іс-әрекетті, оқиғаны мән-мағынасына қарай елеп-екшеп отырады.

***

Жер-ананың өкпе-бауыры – орман. Шыбық шаншы, тал тік!

***

Өтірік мақтау – асқа у қосып берумен бірдей.

***

Жау жаманы – жарамсақ.

***

Тарихи кезеңдер қайталанатын сияқты: жоғалғанды табу, шашылғанды жинау міндеті тағы да алдымыздан шығып тұр.

***

Рух азса, намыс тозады.

***

Оптимист болған жақсы, реалист болған одан да жақсы.

***

Онсыз да кірленген дүниені кір басқан дүрбімен қарауға болмайды.

***

«Қала! Қала!» дегенмен, қала қазаққа төрін беріп жатқан жоқ. Төрі тұрмақ, босағасынан орын таба алмай жүргендер қаншама.

***

Адамды ақылынан, жігерінен ажыратсаң, ар жағы кеуік: түртіп қалсаң, құлай береді. Мұндай тобыр сазбалшыққа илеуге өте икемді.

***

Рух пен намыс – егіз.

***

Бір адамның рухсыз болуы – сор, ал тұтас ұлттың рухынан айырылуы – қасірет!

0
Рейтинг: +1

Дайындаған: Нұржамал Үсенова
Фото: ztgzt.kz
Қосылған күні: 10 қазан, 09:31
Пікірлер

Бұл жазбаға әлі пікір жазылған жоқ. Бірінші болып пікір білдіріңіз.

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.