Жүрек жайлы мақал-мәтелдер

"Тіл жүректің айтқанына көнсе жалған шықпайды" – дейді дана Абай. Ия, адамның ең аяулы жері – жүрек. Ең тазасы да сол. Жүрек бәрін басқаратын мүше. Адам баласының денесіндегі қан айналымы жүрек арқылы жүзеге асады. Одан бөлек, ол – ең нәзік, ең сезімтал. Бұл туралы талай аңыз-әңгімелер естіп жүрміз. Данышпан халқымыздың мақал-мәтелдері жүрек туралы не дейді екен?!

Ақымақтың ақылы білегінде,
Ақылдының ақылы – жүрегінде.

Жек көргенді жек көрсең, 
Жүректі зіл басады. 

Жүрек туласа, кірпік буланады. 

Көздің тазалығын кірпік сақтаса, 
Жүректің тазалығын ұят сақтайды. 

Жүрек тілесе жүрдек аяқ жүгірер. 

Жұдырығы қаттыдан, жүрегі қатты жаман. 

Жүрек – ер, бас – кемеңгер. 

Жүрегінде мұз жатса, аузынан жылы сөз күтпе. 

Жүрек қалаған жер – пейішің. 

Кілемнің түгі көшсе де,
Жүректің дығы өшпейді.