Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

Бата-тілектер

Бата-тілектер

Балаға бата

Берейін бата, балаға,

Жақсылық жерде жата ма?

Үлкендерден бата алсаң,

Жамандық саған бата мА?

Берейін бата, шырағым,

Бақытты болсын тұрағың.

Кие боп бата дарысын!

Илаһи, енді, шырағым.

Өнерің судай тасысын!

Арманың қыран қалқысын!

Бақ-береке ұяласын,

Пәле-жаланы жуытпай қуаласын.

Жаңаласын, жалғасын,

Шұғылалы шуақ күн кешсін,

Басын сұр бұлт шалмасын.

Қос топшысы талмасын,

Қырандай биік самғасын.

Ары адал, жаны жаз,

Құрбысынан қалмасын.

* * *

Ақ тілектен ақтарып,

Ақ батамды берейін.

Ақ атамның ақ сөзін,

Ақ мерей ғып төгейін.

Ақ апаңның ақ сүтін,

Ақ арыңмен ақтай бер.

Ақ пейілді қазақтың,

Ар-намысын сақтай көр.

Ақ бесігін тербетіп,

Ақ ұл етіп өсірсін.

Ақ тілек дарып өзіңе,

Пәледен тәңір кешірсін.

Ақ пайғамбар қолдасын,

Ақ періште оңдасын.

Ақ жол жатсын алдында,

Ақ семсер алғызсын қолыңа.

Ақ сөйлетсін досыңды,

Ақылды етсін өзінді,

Көреген етсін көзіңді,

Шешен етсін сөзіңді.

Ел бастайтын ер етсін,

Әуелі таза сері етсін,

Мұратыңа жеткізсін.

Басыңа келген пәлені,

Жаратқан алыс кеткізсін.

Нұрға бөлеп жүректі,

Бөбекке бата етейік.

Ағынан айтып тілекті,

Қуантып тастап кетейік.

* * *

Сәбиіміз сүйкімді болсын,

Өнер мен білімге икемді болсын.

Бәйтеректей қаулап өсіп,

Өршіл де өркенді болсын.

Жақсы жолды таңдасын,

Жамандық тәлім алмасын!

Айналайын, балашым,

Аман болсын анашың.

Аман болсын әкең де,

Ағатайың, апаң да.

Өзің тәтті балдай бол,

Тамыры терең талдай бол.

Биік заңғар таудай бол,

Жемісі мол баудай бол.

Өмір жолын таңдай біл,

Туралықты қолдай біл.

* * *

Оқуда зерек бол,

Ұйқыда сергек бол.

Істе шебер бол,

Тұйықта көсем бол.

Ойда мәнді бол,

Тойда сәнді бол.

Үлкенге тең бол,

Кішіге кең бол.

Ел үшін жауыр бол.

Достарың сүйсінсін,

Дұшпандарың күйінсін.

Құлқынға елікпе,

Мақтанға желікпе.

Өмірің ұзын болсын,

Уайымың аз болсын.

Жалғасы бар

Дайындаған: Әсел Асанова
Фото: yvision.kz
Қосылған күні: 04 қазан 2015, 07:31

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.