Джеки Чан Астанаға 7 маусымда келеді

Джеки Чан Астанаға 7 маусымда келеді
Фото: HistoryTime

2017 жылдың 7 маусымында «Қазмедиа орталығының» киноконцерт залында Қытай киносы фестивалінің ашылу салтанаты өтеді. Бұл туралы Massaget.kz порталына «Қазақстан» Республикалық телерадиокорпорациясының баспасөз қызметі хабарлады. 

Бұл шараның бас ұйымдастырушылары  - «Қазақстан» Республикалық телерадиокорпорациясы мен ҚХР Баспасөз, баспарадиокино және телевизия ісі жөніндегі мемлекеттік басқармасы.

Қытай киносы фестивалінің Қазақстандағы күндері ҚР Ақпарат және коммуникация министрлігі мен ҚР мәдениет және спорт министрлігінің  қолдауымен өтеді. Фестивальдің арнайы қонағы әлемдік кинематографияның жұлдызы, қытай актері, кинорежиссер, кинопродюсер Джеки Чан  болмақ.

Осы шарада  Джеки Чан көрермендерге  «Кунг-фу Йога» атты  фильмін тарту етпек. Бұл фильмде ол басты кейіпкер -  Джеки атты қытай археологын сомдап шықты.

Айта кетсек, 7-18 маусым аралығында Астанада өтетін Қытай киносы фестивалі аясында елордалықтар мен қала қонақтары «Іле өзені», «Шынайы махаббат», «Гүлім», «Қатерлі ісік мырза, кетіңіз», «Қасқыр тотемі» сынды туындыларды тамашалай алады.

М. Оңғарова