Әнші Қайрат Түнтеков ешкімнен қашып жүрген жоқ – директор

Әнші Қайрат Түнтеков ешкімнен қашып жүрген жоқ – директор
Фото: tn.kz

Іздеу жарияланған белгілі әнші Қайрат Түнтеков Шымкент қаласында ата-анасымен тұрып жатыр және ешкімнен қашып жүрген жоқ, - деп жазады nur.kz today.kz сайтына сілтеме жасап.

"Осыдан 3 жыл бұрын Алматыда жол апатына себепкер болған  әнші зардап шеккен тарапқа төлеуі тиіс өтемақыны әлі бермей жүр", - деген еді жол апатынан зардап шеккен азаматша.

Алайда Қайраттың директоры Олжас Айманов зардап шеккен Назира Есаманованың бұл шағымымен келіспейді. Айтуынша, әншінің ешқандай да жауапкершіліктен бас тартатын ойы жоқ және қазір шығармашылығымен  айналысып жатыр.

“Біз де  арыз  жазып жатырмыз. Қайрат қашып та, жасырынып та жүрген жоқ. Шындығында, ол адамдар бізді іздемеген. Менің де, Қайраттың да номері оларда бар. Ол тараптың сот орындаушысы да, адвокаты да бізге хабарласқан жоқ. Тек іздеуге беріп қойыпты. Бұл адамдарға тек пиар қажет. Қайраттың атағына әбден кір келтірді. Ол 40  күн изоляторда отырып шықты”, – дейді әншінің директоры Олжас Айманов.

Әнші директорымен бірге келесі аптада біз полиция бөліміне барып, арыз жазбақшы.

”Олар 4 миллион теңге қарыз деген. Бірақ,  осы соманың жартысын қайтарып қойғанымызды айтпаған. Қайратқа шет елге шығуға тыйым салынған. Біз бермейміз деп отырған жоқпыз, жасырынбаймыз да. Қазір әндер жазып, еңбек етіп жатырмыз.  Тапқан табысымызды жинап, төлеп жатырмыз. Енді тек жартысы қалды. Осы жылдың соңына дейін толығымен өтеп, арнайы баспасөз мәслихатын өткіземіз. Қазір Қайраттың жағдайы жақсы, Шымкетте” , — дейді әншінің директоры.

Ал зардап шеккен жақтың адвокаты Зүбайда Асқарова сұхбатында басқаша хабарлаған.

«Түнтеков жасырынып жүр. Оны үш жылдан бері таба алмай жатыр. Ол  бір тиын да төлеген жоқ. Бұл жағдай 2012 жылы орын алған. Содан кейінгі 3 жылдан бері Қайрат сот шешімін орындамай келеді.  Егер сот шешімін 3 ай ішінде орындамаған жағдайда, арнайы жауапкершілікке тартылады. Қазір ол 25 мың доллар қарыз. Оған ресми түрде іздеу жарияланды. Ата-анасы оны көрмегенін және қайда жүргенін білмейтіндерін жеткізіп отыр. Сондай-ақ, соңғы рет үш жыл бұрын көргендерін айтады. Бұның бәрі балаларын қорғау мақсатында жасалған. Енді ары қарай сот шешімін өзі шығарады«, — дейді Асқарова.

М. Бисембаева