Жастар жылында түрлі шаралар мен форумдарға 675 млн теңге жұмсалады

Жастар жылында түрлі шаралар мен форумдарға 675 млн теңге жұмсалады

Жастар жылы аясында форумдар мен түрлі өзге шараларға бюджеттен 675 млн теңге бөлінді, деп хабарланды "Жастар жылын өткізу жөніндегі жол картасын бекіту туралы" ҚР Үкіметінің 2019 жылғы 30 қаңтардағы № 27 қаулысында

Жастар жылын өткізу жөніндегі жол картасына алты түрлі іс-шара енген. Оның біріншісі – 23 қаңтар күні Астанада өткен Жастар жылының ашылу салтанаты. Оның бастан-аяқ ұйымдастырылуына 250 млн теңге жұмсалды.

Келесі іс-шара – "ZEREN 2019" жастардың республикалық білім беру лагері. Ол шілде, тамыз айларында өтіп, 600-ден адам қатысады деп жоспарланып отыр. Қатысушыларға сертификаттар табысталмақ. Жастар лагеріне 200 млн теңге бөлінген.

Үшіншісі – қыркүйек айында Шымкент қаласында еңбекші жастардың форумын өткізу. Форумға 2 мыңнан аса адам қатысады, іс-шара бюджеті – 50 млн теңге. 

Тағы бір форум Қостанайда өтеді. Оған да 50 млн теңге жұмсалады. Қазақстан-Ресей жастар ынтымақтастығы форумы деп аталатын бұл іс-шара 2019 жылдың ІІ тоқсанында өтеді.

Қазақстан халқы ассамблеясы да жастарға арналған іс-шара ұйымдастырады. "Жастар синергиясы" деп аталатын форумға ел қазынасынан 25 млн теңге бөлінген екен. 

Төртінші кварталда Жастар жылының жабылуы шеңберінде Қазақстан Республикасының Президенті жанындағы Жастар саясаты жөніндегі кеңес өтеді. Оған 100 млн теңге жұмсалмақ. 

Қаулыны іске асыру Қазақстан Республикасының Қоғамдық даму министрлігіне тапсырылған. 

Естеріңізге сала кетейік, ҚР Президенті 2019 жылды Жастар жылы деп жариялаған еді. Оның ашылу салтанаты 23 қаңтарда Астанадағы EXPO-2017 көрме орталығындағы "Нұр Әлем" павильонында өтті.

Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

Киіз үйдің математикалық сипаты
Киіз үйдің математикалық сипаты
Алғашқы обсерватория қайда орналасқан?
Алғашқы обсерватория қайда орналасқан?
"Астана" қарсыласына қарымын көрсете алмады
"Астана" қарсыласына қарымын көрсете алмады
"Чарли және шоколад фабрикасы" кітабы қандай балаларға арналған?
"Чарли және шоколад фабрикасы" кітабы қандай балаларға арналған?
Жатбауыр – "Атау кере" романындағы кесек тақырып
Жатбауыр – "Атау кере" романындағы кесек тақырып
Балаға спорт үйірмесін таңдауына қалай көмектесу керек?
Балаға спорт үйірмесін таңдауына қалай көмектесу керек?