«Русенборгтан» жеңісті жұлып алған «Ордабасы» командасы

20 шілде 2012, 13:30 Л. Лига

Кеше Еуропа лигасының екінші іріктеу кезеңінде Шымкенттің «Ордабасы» командасы Норвегияның «Русенборг» командасымен күш сынасты. Аталған ойын Тронхейм қаласында болып өтті.

Аса тартысты өткен бұл ойында шымкенттіктер тронхеймдіктермен 2:2 есебімен тең түсті. Алмат Бекбаев қорғаған «Ордабасы» қақпасының кілтін 33-минутта алаң иелері бірінші боп тауып, Боржек Дочкал өз командасын алға шығарған еді. Бұл ойыншы 45-минутта пенальтиден есепті одан ары ұлғайта түсті.

Ойынның екінші бөлігінде шымкенттіктер есепті теңестірді. Алдымен 75-минутта Роман Пахолюк, ал 90 минутта Гуэй Мансур көзге түсті.

Ендігі ойын 26 шілде күні Алматының Орталық стадионында өтетін болады.

Еуропа Лигасы-2012. Екінші іріктеу кезеңі.

Бірінші ойын. "Русенборг" (Тронхейм, Норвегия) - "Ордабасы" (Шымкент, Казақстан) - 2:2 (2:0)

Голдар: Дочкал, 33 (1:0); Дочкал , 45 - пенальтиден (2:0); Пахолюк, 75 (2:1), Гуйе, 90 (2:2).

Ескертулер: Анкерсен, 65 - Арури, 45; Карпович, 55.

Сурет: vesti.kz

Дайындаған: Фараби Бақыт