Қазақстандық Юрий Юрков АҚШ-тың Форт-Беннинг қаласында нысана көздеу спортынан өткен әлем кубогында алтын медаль жеңіп алды. Нәтижесінде отандасымыз 2016 жылғы Олимпиада ойындарының жолдамасына ие болды.
АҚШ-та өткен әлем кубогына 76 елден 600-ге жуық мерген қатысты. Жалпыкоманалық есепте 3 алтын медаль жеңіп Сербия құрамасы бірінші орын алды. 1 алтын, 2 күміс, 1 қола жүлде еншілеген Қытай құрамасы екінші орынға тұрақтаса, үштікті Болгария (1 алтын, 1 күміс, 1 қола) мергендері қорытындылады. Ал 1 алтын медаль еншілеген Қазақстан құрамасы 8-ші орынды қанағат тұтты.
Кеше нысана көздеуден Елизавета Король үздік он спортшының қатарынан еніп, Рио Олимпиадасының жолдамасын иеленген болатын. Бүгін 50 метр қашықтықтан үш жағдайда (тізерлей, жатып, тұрып нысана көздеу) нысана көздеу бағдарламасында Юрий Юрков үздік өнер көрсетіп, алтыннан алқа тақты.
Юрий Юрков осы уақытқа дейін әлем кубогының негізгі кезеңіне өтіп көрмеген. Ең үздік көрсеткіші – 9-шы орын болған. Оның өзін Юрий 2008 жылы көрсеткен екен. Сондықтан да отандасымыз жарыстағы аутсайдерлердің бірі болатын. Бірақ үздік өнер көрсеткен қазақстандық мерген әйгілі Олимпиада чемпиондары қытайлық Чжу Кинан мен америкалық Мэттю Эммонсты жолда қалдырды.
Юрий Юрков тізерлей нысана көздеуде – 151,1 ұпай, жатып көздеуде – 156,7 ұпай, ал тұрып нысана көздеуде 148,5 ұпай жинады. Нәтижесінде 456,3 ұпаймен чемпион атанып, Рио-де-Жанейро Олимпиадасының жолдамасын иеленді. Екінші орынды қытайлық Чжу Кинан иеленсе, үшінші орыннан АҚШ елінің мергені Мэттю Эммонс көрінді.
- Мен өз нәтижеме өте қуаныштымын. Бірақ Олимпиадаға баруым әлі белгісіз. Елде әлі ішкі жарыстар ұйымдастырылып, Олимпиадаға баратын құрам сонда анықталатын болады, - деді Юрий Юрков.
Негізінен бұл жарыста Олимпиада жолдамасы спортшыға емес, елге беріледі. Сондықтан да Риоға баратын спортшыны Қазақстан құрамасының бапкерлері ішкі жарыстар нәтижесінде анықтайтын болады.
Юрий Юрков пен Елизавета Король да Оңтүстік Қазақстан облысының мергендері. Екеуін де белгілі бапкер Сайдулла Юнусметов жаттықтырады. Спортшылар Шымкентке 25 мамыр күні оралады.
Жалпыкомандалық есеп
Жолдама иегерлері
Event
Name
Nat
50m Rifle 3 Positions Men
YURKOV Yuriy
KAZ
YAMASHITA Toshikazu
JPN
50m Rifle Prone Men
MCPHAIL Michael
USA
NARANG Gagan
IND
10m Air Rifle Men
STEFANOVIC Milutin
SRB
RIZOV Anton
BUL
SCHMIRL Alexander
AUT
50m Pistol Men
MIKEC Damir
SRB
HENDERSON James
USA
25m Rapid Fire Pistol Men
PUPO Leuris
CUB
REITZ Christian
GER
10m Air Pistol Men
COSTA Joao
POR
OMELCHUK Oleh
UKR
KELES Ismail
TUR
50m Rifle 3 Positions Women
SOWASH Amy
USA
KOROL Yelizaveta
KAZ
10m Air Rifle Women
GANKHUYAG Nandinzaya
MGL
BEARD Sarah
USA
HASHAD Shimaa
EGY
25m Pistol Women
BONEVA Antoaneta
BUL
LAMOLLE Mathilde
FRA
10m Air Pistol Women
KORAKAKI Anna
GRE
ZAVALA Alejandra
MEX
YU Ai Wen
TPE
Айта кетейік, осыған дейін Қазақстан құрамасы 2016 жылғы Рио-де-Жанейро Олимпиадасына төрт жолдама жеңіп алған болатын. Бокстан Берік Әбдірахманов (APB жобасы) пен Василий Левит (WSB жобасы) маңызды жолдаманы иеленсе, үш қарғып секіруден «Гауһар лига» жарысынан кейін Ольга Рыпакова Олимпиадаға баруға мүмкіндік алған-ды. Ал нысана көздеуден Елизавета Король Қазақстан құрамасына төртінші жолдаманы сыйлаған болатын.