Қазақстандық боксшы қыздар Сербия астанасы Белградта өткен «Nations Cup-2017» халықаралық турнирінде 27 медаль (9 алтын, 10 күміс, 8 қола) жеңіп алды. Ересектер, жастар мен жасөспірімдер арасында өткен жарыста отандастарымыз мықтылығын мойындатты.
«Ұлттар кубогы» халықаралық жарысы биыл алтыншы рет ұйымдастырылды. Барлығы 19 елдің құрамасы қатысты. Ал боксшылардың нәтижесі «AIBA»-ның 2016 жылы шыққан жаңа ережесі бойынша есепке алынды.
Қазақстан құрамасы Сербиядағы жарысқа тас-түйін дайындықпен барды. Ересектер арасында негізгі құрам боксшылары да жарыс жолына шықты. Рио Олимпиадасының қола жүлдегері Дариға Шәкімова финалда қытайлық Джанн Джиді жеңіп, жеңімпаз атанды. Сондай-ақ финалдағы екі салмақ дәрежесінде қазақстандық боксшы қыздар жұдырықтасты. 54 келіге дейінгі салмақта Дина Жоламан мен Аида Тұяқбай, 81 келіге дейінгі салмақта Фариза Шалтай мен Юлдыз Маматкулова финалда жолықты. Бұл – қазақстандық боксшы қыздардың бәсі жоғары болғанының бір көрінісі.
Қазақстан құрамасы бойжеткендер арасында 6 алтын 2 күміс 4 қола медаль жеңіп алды. Ал жастар арасында Сандуғаш Әбілхан, жасөспірімдер арасында Жамила Болат пен Балжан Асқар жеңіс тұғырынан көрінді. Жарыс қорытындысы төмендегідей:
Жеңімпаздар
Бойжеткендер:
Дина Жоламан (54 келі)
Римма Волосенко (60 келі)
Валентина Хальзова (69 келі)
Дариға Шәкімова (75 келі)
Фариза Шалтай (81 келі)
Ләззат Күнгейбаева (+81 келі)
Жастар:
Сандуғаш Әбілхан (57 келі)
Жасөспірімдер:
Жамила Болат (66 келі)
Балжан Асқар (70 келі)
Күміс жүлдегерлер
Бойжеткендер:
Жайна Шекербекова (51 келі)
Аида Тұяқбай (54 келі)
Әлия Абдраимова (64 келі)
Юлдыз Маматкулова (81 келі)
Жастар:
Адина Қалдыбай (57 келі)
Айжан Мадибек (48 келі)
Арайлым Бекділдә (+81 келі)
Жасөспірімдер:
Ақбота Таңғатар (46 келі)
Арай Есбергенова (52 келі)
Жанат Нұрсұлтанқызы (70 келі)
Қола жүлдегерлер:
Бойжеткендер:
Алуа Балқыбекова (48 келі)
Әйгерім Ошақбай (57 келі)
Сания Султанкызы (57 келі)
Айжан Ходжабекова (60 келі)
Зура Құсайнова (69 келі)
Виолетта Князева (75 келі)
Мөлдір Базарбаева (81 келі)
Жастар:
Сезім Болатбек (54 келі)
Айта кетейік, өткен жылы Қазақстан құрамасы барлығы 7 медаль (1 алтын, 3 күміс, 3 қола) жеңіп алып, жалпыкомандалық есепте бесінші орын алған еді.