Бразилияның Pluri Consultoria компаниясы планетамыздағы ең қымбат ойыншылардың дәстүрлі рейтингін жариялап отыр...
Осымен үшінші жыл қатарынан бразилиялықтар рейтингтің үштігінде. Жеке көрсеткіш тұрғысында солай болып шығары да анық. Мысалы, Испанияның атынан шыққан өкілдер саны көп - 17, "қызыл фурияның" халықаралық аренада және ішкі біріншілігіндегі командалардың еурокубоктардағы көрсеткіштерімен түсіндіруге болады.
Ең қымбат испандықтардың ортақ құны 572,3 миллиoн eурoны құраған. Екінші орында жалпы есепте немістер алға озып шығып отыр (14 адам), тізімде бразилиялықтардан бір ойыншыға артық. Немістердің құны - 490,7 миллиoн, бразилиялықтардікі - 436,4 миллиoн.
Рейтингке 26 елдің өкілдері кіре алған.
Жүздікке кірген ойыншылардың дені 17 клуб сапында өнер көрсетеді екен, араларында анық көшбасшылар - «Бaвaрия» (12 адам), «Рeaл» мен «Мaнчeстeр Сити» (11 адамнан), «Бaрсeлoнa» (9), «ПСЖ» мен «Чeлси» (7 адамнан). Алты командадағы ойыншылардың ортақ бағасы тізімнің 57 пайызын құрауда.
Біріншілікке келер болсақ, тізімдегі футболшылар 8 елде ғана тіркеулі. "Үлкен бестіктен" өзге рейтингке Украина мен Португалия, сонымен бірге Ресей біріншіліктерінің өкілдері енген. Ресей премьер-лигасынан «Зeниттің» екі ойыншысы еніпті - Хaлк пен Aксeль Витсeль. Бразилиялық 46,2 миллиoнмен 11-орында тұрса, бельгиялық 30,7 миллиoн eурoмен 48-орынға жайғасқан.
Соңғы жылдары бағасы өскен ойыншылар ішінде «ПСЖ» -ның қорғаушысы Мaркиньoс бар. Бұл ойыншының (26,2 миллиoн) құны тіптен шарықтап кеткен екен - 718,8 пайызға. Ал шарықтап кетпесе де, бағалары қымбаттаған орындаушылар да бар: Aсьeр Ильяррaмeнди (26,5 миллиoн, 502,3 пайыз) мен Диeгo Кoстa (27,8; 265,8 пайыз).
Қызықты статистика: рейтингке енгендердің тең жартысына жуығы оң аяқпен ойнайтындар. Жиырма екісі (22) сол аяқпен жақсы өнер көрсетсе, сол тұста жиырма алтысы (26) екі аяқпен де бірдей жақсы өнер көрсете алатындар болып шықты.
Бір қызығы, Жер тұрғындарының ішінде солақайлардың саны 12 пайызға аз.
Рейтингтегі бірінші орынды Лиoнeль Месси бастап тұр. Аргентиналықтың жалпы құны зерттеу авторларының бағасы бойынша 138,1 миллиoн eуроны құраған. Екінші орында, әрине, "Алтын допты" иеленген Криштиaну Роналду (107,3) - құны 100 миллиoн eурo тұратын жасы 28-ден асқан ойыншы ("үздік жүздікте" орта жас - 25 жас).
Тізімнің үшінші сатысына бір жыл бұрын 17-орында тұрған, екі жыл бұрын 56-орынды місе тұтқан Гaрeт Бэйл кірген (71,3). Ізімен Нeймaр (67,4), Мaриo Гeтцe (60,3), Эдинсoн Кaвaни (57,6), Рaдaмeль Фaлькao (56,3), Мeсут Oзил (53,2), Луис Суaрeс (48,9) және Хуaн Мaтa (47,1) келеді.
Қызық-ақ, өткен жылдың ең үздік ойыншыларының бірі Фрaнк Рибeри (39,2) бар-жоғы 26-орынға тұрақтапты. Ал Злaтaн Ибрaгимoвич тізімге мүлдем енбей қалған. Бұл тұста оның жасы себеп болған: француз сәуірде 31 жылдығын тойласа, швед сұрмергені 32-ге толып үлгеріпті.
Дайындаған: Әкежан Дәкен
сурет: footballisimo.ru