Бүгінгіонлайн-олжамыз Марек Гибнидіңжасанды интеллектіге негізделгенGnodатты жобасы. Gnod адамдардың талғамына қарай бейімделгіш, әмбебап сервис. Ол кино, музыка, көркемөнер және әдебиет салалары бойынша ауқымды деректерді қамтиды және жасанды интеллект арқылы әншілердің бағытын, суретшілердің стилін, режиссерлердің қолтаңбасын, жазушылардың жанрын топтастырып, сізге сай келеді-ау деген авторларды ұсына алады. Нұсқалар мейлінше дәл болуы үшін, қолданушы өзіне ұнайтын үш музыкантты, фильмді (режиссерді), жазушыны, суретшіні жазады. Жасанды интеллект үш нұсқаны қорытып, қолданушыға ұнауы мүмкін авторлар мен туындыларды ұсынады. Gnod карта арқылы да қолданушы талғамының шеңберін көрсете алады. Music-Map, Movie-Map, Literature-Map бағандарын таңдап (Art-Map жоқ, тек Discover), өз сүйікті авторыңызды көрсетесіз, әрі қарай соған ұқсас бірнеше автор қаумалай шыға келеді. Gnod Music Discover 1. Қолданушының нұсқалары Gnod Music Discover 2. Жасанды интеллект ұсынған нұсқалар Gnod кей автордың Spotify сервисіне жүктелген әнін де қоса береді. Discover бөлімінде Gnod тек 11 музыкантты ғана ұсынады. Ал Music-Map бөлімі біршама ауқымды. Мысалы әнші Батырхан Шүкеновті (Batyr) енгізіп көрейік. Gnod Батырхан Шүкенов әндерінің жанрына ортақ орындаушыларды, бір тілде ән айтатын әншілерді, әндерінде саксофон қолданатын музыканттарды бір жерге жинады. Қазақстандық ғарышкер Ғалымжан Молданазарды енгізсек, синти-поп, альтернатив рок, инди-рок жанрындағы орындаушылар шыға келетіні белгілі. Көркемөнер, кино және әдебиет бөлімдерінде де авторлар ұқсастық, жанр, тіл алгоритмдерімен анықталады. Gnod Art бөлімі Gnod Movie-Map бөлімі Gnod Books бөлімі Әдетте жасанды интеллект ұсынған нұсқалардың көбі қолданушыға таныс болып жатады, бірақ бұған дейін естіп көрмеген тың авторларды да кездестіретініңіз сөзсіз. Ендеше өзіңіз үшін жаңа музыкант, суретші, фильм, жазушымен таныс боламын десеңіз, мына сілтемеге өтіңіз.