Нұр-Сұлтан әкімдігі жариялаған Батырхан Шүкенов ескерткішінің үздік эскиз-идеясына арналған байқау мамыр айының соңына дейін жалғасады. Сондай-ақ алғашқы эскиз үлгілері жарияланды.
Елорда әкімдігінің баспасөз қызметі хабарлағандай, алғашқы экскиздерде композитор әртүрлі вариацияларда, соның ішінде сүйікті музыкалық аспабы — саксофонмен бейнеленген.
Эскиздер бойынша ұсыныстарды Birge платформасында — оң жағындағы төменгі бұрышта "Кері байланыс" арқылы, сондай-ақ centerofurbanism@gmail.com поштасына жіберуге болады.
Айта кетейік, Нұр-Сұлтандағы қалалық саябақта әнші және композитор Батырхан Шүкеновке ескерткіш орнату жоспарлануда. Жоба демеушілік қаражат есебінен жүзеге асырылады.
Бүгін, яғни 18 мамырда Батырхан Шүкенов көзі тірі болғанда 59 жасқа толар еді.