Лондонда еліміздің көк байрағын Нұрмахан Тінәлиев алып жүреді

20 шілде 2012, 18:57

27 шілде 12 тамыз аралығында Лондонда өтетін ХХХ жазғы олимпиада ойындарының ашылу салтанатында Қазақ елінің көк байрағын елі сенген азамат Нұрмахан Тінәлиев алып жүреді.

Нұрмахан Тінәлиев 1988 жылы Жамбыл облысында, Шу ауданының Далақайнар ауылында дүниеге келген. Ол грек-рим күресінен Азия чемпионы, Азия ойындарының жеңімпазы және әлем чемпионатының екі дүркін қола жүлдегері. 24 жастағы спортшы әкесінің ұйтқы болуымен күреске 14 жасында келген және 16 жасында Қазақстан чемпионы атанады.

Жазғы Олимпиада ойындарында Ту ұстап шыққан спортшылар

Жылы	Қала	Мемлекет	Ту ұстаушы	Спорт түрі
1996	Атланта	АҚШ	Ермахан Ыбырайымов	Бокс
2000	Сидней	Австралия	Ермахан Ыбырайымов	Бокс
2004	Афины	Грекия	Асхат Жіткеев	Дзюдо
2008	Бейжің	Қытай	Бақыт Ахметов	Ауыр атлетика
2012	Лондон	Ұлыбритания	Нұрмахан Тінәлиев	Грек-рим күресі

Ал біз төрткүл дүниенің тарландары бас қосатын додада Қазақ елінің намысын қорғайтын спортшыларымыз топ жарып шықсын деген тілек білдіреміз.

Дайындаған: Ғани Тұрғынбеков

Сурет: alaman.kz

Ж. FM