55 келі салмақта өнер көрсететін қазақстандық спортшы жігітіміз Дәулет Ниязбеков еркін күрестен жартылай финалға шықты.
Ширек финалда отандық спортшымыз Туркиядан келген Ахмет Пекерді 3:1 есебімен жеңіп кетті.
Естеріңізге салсақ,1/8 финалда 23 жастағы қызылордалық балуан Америкадан келген Самуэл Хазевинкелмен белдесіп, 5:1 есебімен жеңіске жеткен болатын. Сол белдесудің үшінші кезеңінде тең түсті демесеңіз, қалған кезеңдердің барлығында Дәулеттің басымдылығы айқын танылып тұрған еді(3:1, 2:0).
Сурет:eurosport.ru
Дайындаған: Фараби Бақыт