Теннистен Олимпиада ойындарында Қазақстан намысын қорғауға аттанған Михаил Кукушкин бәсекенің бірінші айналымында Жиль Симонға есе жіберді деп хабарлайды Massaget.kz.
Еліміздің бірінші ракеткасы алғашқы айналымда француз жігітіне 4:6, 2:6 есебімен ұтылып қалды. Өкінішке орай, Кукушкин ойын барысында өте көп қателіктерге бой алдырды. Қарсылас Михаилдың қателіктерін өз пайдасына керемет пайдаланып бір сағатқа жетер-жетпес уақытта ойын тағдырын шешіп тастады.
Айта кетсек, Михаил Кукушкин қазіргі таңда АТР санатында 61-ші, ал француз Жиль Симон 14-ші сатыда орналасқан.
Сурет: tennisworldusa.org
Дайындаған: Ғани Тұрғынбеков