Тек әйелдер тұратын жер қайда орналасқан?

Ежелгі грек аңызындағы амазонкалар туралы естіген боларсыз. Бүгіннің де өз амазонкалары бар екен. Олар Бразилияда, Рио-де-Жанейродан 400 шақырым жерде, Белу өзенінің аңғарындағы Нейва-ду Кордейро деген қалада тұрады. Бұл әйелдер қауымының бұрынғы амазонкалардан ерекшелігі жауынгер емес, егіншілікпен айналысады.

Коммунаны 1891 жылы Мария Сенхоринья де Лима құрған. Аңыз бойынша, Марияны күйеуі басқа әйелге ғашық болып тастап кетеді. Қолында жас баласымен жалғыз қалған келіншек тағдырдың тәлкегіне мойымаған. Ол ауылшаруашылық коммунасын құрып, онда тек тұрмысы қиын әйелдерді жұмысқа алған.

Коммуна әйелдері егіншілікпен, азық-түлік сатумен айналысады. Әйелдердің көпшілігі тұрмыс құрмаған, кейбірі тұрмысқа шыққан. Ерлер – коммуна әйелдерінің күйеулері мен ұлдары көрші қалаларда жұмыс істейді. Ерлерге коммунаға демалыс күндері ғана келуге рұқсат етіледі.

Қоғам алғашында жұртшылық тарапынан сынға ұшырағанымен, әйелдердің матриархат қауымына 131 жыл толып отыр. Бүгінде қалада 20-40 жас аралығындағы 600-ге жуық әйел тұрады.

Интернеттің арқасында олар бүкіл әлемде танымал және олар басқаларды өмір салтымен таныстыру үшін аптасына бірнеше рет тікелей эфирге шығады. Мұнда журналистер де тұрақты келеді.

Коммунаның бірнеше "алтын ережелері" бар:

• Бұл монахтар тұратын жер. Ер адамдар тек рұқсат етілген күні ғана келеді.

• Бұл жерде ер адамдарға тұруға рұқсат етілмейді. Ұл бала 18 жасқа толғанда командадан кетеді. Халықтың тұрғындары, яғни құрбылардың балалары арасында отбасын құруға тыйым салынады, өйткені олардың барлығы бір отбасы.

• Бұл ретте әйел тұрмысқа шыққысы келсе немесе баласымен "үлкен өмірге" барғысы келсе, қарсылық жоқ.

• Қоғам негізінен ауыл шаруашылығымен – көкөніс пен жеміс-жидек өсірумен айналысады. Ерлерді құрылыс пен ауыр жұмыстарға шақырады.

Қазір коммунаны басқарып отырған Донна Делисаға қауымдастық үлкен сүйіспеншілік пен құрметпен қарайды.

Мұндағы тұрғындар қарапайым өмір сүреді. Бразилияның барлық жерінде болғандай, жиі концерттер мен шоулар өтіп тұрады. Әйелдер балаларды тәрбиелеуге, бірге тамақ әзірлеуге, жұмыс істеуге үйретеді.