Психолог "жоқ" деп айтуды қалай үйрену керегін түсіндірді

Маманның пікірінше, біз көбінесе басқа адамдардың жағдайын ойлап, солар үшін жауапкершілік аламыз. Сондықтан кез келген өтініштен бас тарту басқалардың көңілін қалдыратын сияқты болып көрінеді.

Басқа адамдарға көмектесу жақсы. Сіздің мүдделеріңізге қайшы келсе де, кез келген өтінішке "иә" деп жауап беру жаман әдет екен.

Барлығының көңіліне қарайтын адам кез келген адамға уақыт пен ресурстарды арнай алады, бірақ өзі үшін ештеңені қимайды. Егер бұл сіз туралы болса, онда бас тартудың неге соншалықты қиын болуы мүмкін екенін білудің уақыты келді. Бұл тақырыпты психолог Михаил Лабковский өзінің Telegram-арнасында көтерді.

Маманның айтуынша, жағдайға қарамастан, басқа адамдардың өтінішіне жоқ деп жауап бере алмау – өзін төмен бағалау.

Оның бірнеше себебі бар екен:

• өз таңдауыңыз үшін жауапкершілікті алғыңыз келмегендіктен ғана қателесуден қорқасыз;

• өзіңіздің қалауларыңыз бен қажеттіліктеріңіздің не екенін түсінбейсіз;

• басқалардың үмітін ақтамаудан қатты қорқасыз.

Лабковскийдің айтуынша, өзін төмен бағалайтын адамдар басқа адамдардың эмоциялары үшін жауапкершілікті өздеріне алады, тіпті олардан ешкім талап етпесе де солай істейді. Сондықтан олар "жоқ" деп айтып біреуді ренжітуден қатты қорқады.

Маманның айтуынша, оның өзі де бір кездері басқалар не айтар екен деп көп ойланған. Ондай адамдар "егер қазір "жоқ" деп айтсам басқалар менімен араласпай кетеді" деп қорқады.

"Кез келген адам, сіз кім болсаңыз да, ол бірдеңе ұсынса немесе көмек сұраса, бас тартуды естуге дайын болуы керек. Егер сіздің "жоқ" деп айтқаныңызға ренжісе немесе ашуланатын болса, бұл сіздің проблемаңыз емес", - дейді психолог.

Көптеген адам өзін жақсы көргендер өзімшіл келеді деп есептейді. Дегенмен, психологтар салауатты эгоизм мүлде жоқ екенін айтады және өзін жақсы көретін адам басқалардың мүдделеріне мән бермейді.