Ыстық судың пайдасы және ішу тәртібі

Невролог Ұлжалғас Сманова өзінің инстаграм парақшасында ыстық су ішудің пайдасы жайлы айтып берді, - деп хабарлайды Massaget.kz тілшісі.

Ұлжалғас Сманованың айтуынша, ыстық су ішудің мынадай пайдалы тұстары бар:

• Өтті сұйылтады, өт қабын тарылудан, бітелуден, қисаюдан қорғайды;
• Асқазан-ішек жолдарының қызметін жақсартады;
• Асқазан қышқылдылығын қалыпта ұстайды;
• Ішекті, асқазанды түрлі қалдықтардан тазалайды;
• Ауыз қуысынан бастап іштегі микробатарды өлтіреді;
• Зат алмасу процесін реттейді;
• Қанды тазартады;
• Ішқатуды жояды.

Ыстық суды қалай ішу керек?

• Алдымен сүзгіден өткен таза суды ысытамыз. Қайнатпаймыз. Жай ғана ысытамыз;
• Судың температурасы ауыз бен таңдай күймейтіндей (шамамен 40-50°C) болуы керек. Қатты ыстық су қауіпті. Өйткені өңеште жүйке рецепторлары жоқ. Сондықтан күйіп қалса да сіз сезбей қалуыңыз мүмкін;
• Ыстық суды (ашқарынға 1-2 стақан) жаймен ғана ұрттап ішу керек;
• Суыңызға аздап лимон сығындысын қоссаңыз, суыңыз пайдалы бола түседі. 

Сүйек сорпасы қандай ауруға ем? Нутрициолог пайдалы сорпаны қалай дайындау керегін айтты