Үй тапсырмасын қанша сағат орындаған жөн? Ата-аналарға кеңес

Оқу жылы басталғанда балаларға бірден күнделікті режим қалыптастыру оңай болмайтыны анық. Осы орайда министрлік ата-аналарға кеңес берді, - деп хабарлайды Massaget.kz тілшісі.

Дұрыс ұйымдастырылған күн тәртібі пайдалы әдеттер қалыптасуына ықпал етеді, жүйке жүйесін нығайтады және шаршау деңгейін төмендетеді. Режимнің негізгі компоненттері:

• үй тапсырмаларын орындау;
• белсенді ойындар және міндетті түрде таза ауада демалу;
• дұрыс тамақтану;
• жас ерекшелігіне сәйкес толық ұйқы;
• қызығушылығы бойынша бос уақыт.

Үй тапсырмасын қанша сағат орындаған жөн? 

• Кіші сыныптар үшін (1-4-сыныптар) үй тапсырмасын орындауға 1,5-2 сағаттан артық емес;
• 3-4-сынып оқушылары үшін 2 сағатқа дейін;
• Жоғары сынып оқушыларына әр 40 минут сайын міндетті үзіліс жасай отырып, күніне 3-4 сағатқа дейін.

Тамақтану бойынша

Денсаулық сақтау министрлігі мәліметінше, бала күніне 4-5 рет 3,5-4 сағаттан аспайтын аралықпен тамақтануы керек.

Бос уақыт бойынша

"Шығармашылық және хобби үшін күніне кемінде 1-2 сағат берілуі керек", - деп кеңес берді мамандар.

Қызықты жаңалықтар мен видеоларды көру үшін TikTok арнамызға жазылыңыз!