2014 жылы қолданылған ең осал электронды құпия сөздер

21 қаңтар 2015, 19:23

Қазіргі заманның талабына сай өмір сүретін әрбір азамат өмірінің көп бөлігін компьютер алдында өткізсе де, күнделікті қолданатын электронды құпия сөздерінің осал болуына жол береді. Қауіпсіздікті қамтамасыз ету үшін сарапшылар ешкімнің ойына келе бермейтін күрделі құпия сөздерді қолдану сынды кеңестерін беруден шаршамайды. Дегенмен адамдар біреудің қателігі былай тұрсын, өз қатесінен де сабақ алмайды екен.

SplashData сараптамалық компаниясы 2014 жылы миллиондаған ұрланған құпия сөздерді анықтап, олардың ең осал 25 нұсқасының тізімін жасады. Сөздердің оңай болғаны сонша тіпті құпия сөзге де жатқызуға келмейді. Себебі қара ниетті тұлғалар орта есеппен бір минутта бір құпия сөзді таба алған. Компьютер қауіпсіздігі саласындағы маман Марк Беннеттің айтуынша, ТОП 25 тізіміне енген сөздер жалпы есептің 2,2%-ын құрапты.

Ең осал электронды құпия сөздердің реті мынадай:

1. 123456
2. password
3. 12345
4. 12345678
5. qwerty
6. 123456789
7. 1234
8. baseball
9. dragon
10. football
11. 1234567
12. monkey
13. letmein
14. abc123
15. 111111
16. mustang
17. access
18. shadow
19. master
20. michael
21. superman
22. 696969
23. 123123
24. batman
25. trustno1

SplashData компаниясының мамандары ғаламтордағы өзіңізге тиесілі ақпараттың қауіпсіздігі үшін тағы да ескертеді. Жеке мәліметтеріңіздің қауіпсіздігі сіз ойластырған құпия сөзге байланысты. Ендеше оның кем дегенде сегіз символдан тұруы және құрамында сандармен қатар әріптердің де бар болуы өте маңызды. Содан кейін бір ғана құпия сөзді бірнеше сайтта қолданбаған жөн.

Егер әр түрлі күрделі құпия сөздерді жатқа білу қиындық тудырса, LastPass және SplashID сынды құпия сөздерді басқару қосымшаларын пайдалануға болады. Бұл орайда сіз тек кіру кезінде жазатын басты сөзді білсеңіз болғаны, қалғандары сенімді жерде сақталады. Әрине басты құпия сөздің өзі де «123456» дегенге қарағанда күрделі болуы керек.

Сурет: www.wired.co.uk

Оқи отырыңыз:

Ең қауіпсіз құпия сөздердің рейтингісі

Ж. Өрісбай