Lamborghini зымыран ұшақты басып озуға тырысты

Автокөліктер мен ұшақтардың арасында жарыстар жиі ұйымдастырлып жүр. Бірақ Lamborghini Aventador бұндай бәйгеде алғаш бой көрсетті. Жарыс Еуропаның бір әскери аэродромында өткізілді. Жер тұлпары F-16 Fighting Falcon әскери ұшағымен текетіресіп көрді.

Бәйгені Даниялық Bilmagasinet журналы өткізіпті. Бәйге ұйымдастырушылары бұл туралы артық ауыз әңгіме айтпады. Дегенмен назарымызға сол бәйгенің бейнебаянын ұсынған екен.

Видеоға көз салар болсақ, жарысқа F-16 ұшағымен Lamborghini Aventador LP700-4 маркалы автомобилі түскендігі белгілі болады. Жарыстың бастапқы бөлігінде автокөлік ұшақтан озып, оның алдына бірден шықты. Дегенмен ұшақ әуеге көтерілгеннен соң, көлікті шаң қаптырды. Солай болуы да керек еді. F-16 Fighting Falcon - 2 200 км/сағ жылдамдықты бағындыра алатын зымыран. Lamborghini Aventador  өз кезегінде 350 км/сағ жылдамдықпен жүре алады. Бұл көлік 6,5 литрлік 12 цилиндрі бар, 100 км/сағ жылдамдықты 2,9 секундта бағындыра алатын тұлпар.

Айта кетелік, 2007 жылы дәл осындай бәйгені Ұлыбританиялық Top Gear авто-шоуы ұйымдастырған болатын. Жарысқа Euro Fighter зымыраны мен Bugatti Veyron көлігі қатысқан еді. Сол кезде де бәйгенің нәтижесі осы шамалас болды.

Дайындаған: Еркебұлан Қайрахан

сурет: m.brobible.com