Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Massaget.kz порталының Экс-бас редакторы

Материал жіберу БЛОГ ЖАЗУ
Негізгі / Лайфстайл / Техно / Аз уақытта танымал болған TikTok қандай әлеуметтік желі?

Аз уақытта танымал болған TikTok қандай әлеуметтік желі?

Аз уақытта танымал болған TikTok қандай әлеуметтік желі?

TikTok – әлемдегі ең танымал әлеуметтік желінің бірі. Шілде айының соңында желіні жүктегендер саны 1 миллиардқа жетті. Әлем назарын жаулаған TikTok қандай бағдарлама? Оның қандай жетістіктері бар?

TikTok қалай пайда болды?

2014 жылы қытайлық бағдарламашылар Алекс Чжу мен Луис Янг Musical.ly бағдарламасын жасап шығарды. Онда 15-тен 60 секундқа дейінгі музыкалық видеолар жасап, өзгелермен бөлісуге болатын еді. Musical.ly басқа қытайлық стартаптардай емес, халықаралық нарыққа бағытталып, тез танымал бола бастады. 2016 жылы 100 миллион қолданушы межесін бағындырды.

Бірақ Чжу мен Янг сияқты бұл бағытқа қызыққандар көп болды. 2016 жылдың қыркүйегінде қытайлық ByteDance компаниясы Douyin әлеуметтік желісін ұсынды. Сервистің функциялары ұқсас болды, бірақ Musical.ly-ден айырмашылығы – ол ҚХР нарығына бағытталды. Бағдарлама бірден танымал болып кетті. 2016 жылдың қорытындысы бойынша, 4 айдың ішінде Douyin желісін 100 миллион қолданушы жүктеп алды. 

ByteDance бір Қытайдың өзі аздық етеді деп, халықаралық нарыққа шықты. 2017 жылдың қыркүйегінде ByteDance Douyin-нің халықаралық нұсқасы, TikTok-ты жарыққа шығарды. Бағдарламаны қолданған ең алғашқы ел Индонезия болды.

2017 жылдың қарашасында ByteDance Musical.ly жобасын 800 миллион АҚШ долларына сатып алып, 2018 жылдың тамызында оны TikTok-пен біріктіріп жіберді.

TikTok қандай желі?

TikTok – 15 секундтық музыкалық видеороликтер түсіріп, бөлісуге болатын әлеуметтік желі. Видеоға сай келетін музыка таңдап, ән мәтініне немесе фильм сөздеріне ілесіп орындауға болады. 

TikTok Instagram мен Snapchat-тың қоспасы іспеттес. Желіде екі лента бар: жазылымдар мен ұсынылатын видеолар. Видеоға лайк басып, пікір жазуға, өзге қолданушыларға жазылуға болады. Бағдарлама шеті жоқтай көрінетін лентаны ақтарып отыратын қолданушыны дәл Instagram сияқты жіпсіз байлап қояды.

TikTok-ты кім қолданады?

TikTok жасөспірімдер арасында танымал. Бағдарламаны жалпы саны 1 миллиард рет жүктеген. Салыстыру үшін: былтыр TikTok-ты 663 млн рет, Facebook-ты  711 млн, ал Instagram-ды – 444 млн рет жүктеген. 

TikTok-тың осынша кең қолданылуына Үндістан айтарлықтай әсер етті. Себебі үнді жастары өздерінің музыкалық және би қабілетін көрсетуге құмар. Үндістан қолданушылары TikTok-тың төрттен бір бөлігін құрайды екен.

Image result for top non-game apps by worldwide downloads

TikTok-тың күнделікті аудиториясы 800 миллионнан асады. Мұндай қарқынмен ол Facebook пен Instagram-ға бәсекелес болуы мүмкін. Дегенмен Snapchat-тың күйін кешіп, Instagram-ға жол беруі де ғажап емес.

1
Рейтинг: +2

Дайындаған: Әлібек Оразбай
Фото: thejakartapost.com
Қосылған күні: 16 тамыз, 09:24

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.