Жүкембаев қыркүйекте жекпе-жекке шығады

Жүкембаев қыркүйекте жекпе-жекке шығады

Бірінші жартылай орта салмақта жұдырықтасатын қазақстандық кәсіпқой боксшы Батыр Жүкембаев (16-0, 13 КО) келесі жекпе-жегін 26 қыркүйек күні Канаданың Монреаль қаласында өткізеді.

28 жастағы отандасымыз мексикалық боксшы Мигель Васкеспен (41-8, 15 КО) қолғап түйістіреді. 32 жасқа келген қарсыласы 2010-2014 жылдар аралығында жеңіл салмақта IBF чемпиондық атағын иеленген.

Екі боксшы арасындағы жекпе-жек 10 раундтық ереже бойынша өтеді. Мексикалық боксшы соңғы рет 2018 жылдың желтоқсан айында жекпе-жек өткізген. Жартылай орта салмақта IBO чемпиондық атағы үшін өткен кездесуде жеңіліс тапқан. Бүгінге дейін 49 кездесу өткізіп, тек 8 айқасында ғана есе жіберген. 15 жекпе-жегін мерзімінен бұрын аяқтаған.

Мигель Васкес кәсіпқой бокстағы ең алғашқы жекпе-жегін 2006 жылы Сауль "Канело" Альвареске қарсы өткізіп, ұпай саны бойынша жеңілген. Араға екі жыл салып, "Канеломен" қайта кездескен. Бұл жолы да ұпай саны бойынша есе жіберген. Сондай-ақ ол атақты кіші Тимоти Брэдли, Джош Тейлормен шаршы алаңда жұдырықтасқан тәжірибелі боксшы. 

Батыр Жүкембаев кәсіпқой бокстағы 16-шы шайқасын 18 мамыр күні өткізген болатын. Монреальда мексикалық Луис Хесус Видалесті (13-6, 6 КО) бірінші раундта нокаутқа түсірген.

Сонымен қатар бұл бокс кешінде Батыр Жүкембаевтен бөлек, бірінші орта салмақтағы қандасымыз Садриддин Ахмедов (9-0, 8 КО), екінші орта салмақта жұдырықтасатын Нұрзат Сабыров (10-0, 9 КО) және орта салмақта Аман Қазанғапов (0-0-1) өздерінің рейтингтік жекпе-жектерін өткізеді.

Айта кетейік, Батыр жақында ғана шаңырақ көтеріп, Гауһар есімді аруды өмірлік серік еткен еді.

Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

Бермуд үшбұрышы: ақиқат пен әпсана
Бермуд үшбұрышы: ақиқат пен әпсана
Коронавирустан үй жағдайында емделу
Коронавирустан үй жағдайында емделу
БҒМ құжаттарды қабылдау мерзімін ұзартты
БҒМ құжаттарды қабылдау мерзімін ұзартты
Коронапика, коронафейк – ковид кезіндегі жаңа сөздер
Коронапика, коронафейк – ковид кезіндегі жаңа сөздер
Коронавирус жұқтырғанда не істеу керек? – Профессорға сұрақ
Коронавирус жұқтырғанда не істеу керек? – Профессорға сұрақ
Chevrolet Malibu – әдемі дизайн мен қуатты қозғалтқыштың үйлесімі
Chevrolet Malibu – әдемі дизайн мен қуатты қозғалтқыштың үйлесімі