Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ
Негізгі / Лайфстайл / Спорт / Жаңалықтар / Қазақ боксшылары қарсыластарымен бетпе-бет кездесті

Қазақ боксшылары қарсыластарымен бетпе-бет кездесті

Қазақ боксшылары қарсыластарымен бетпе-бет кездесті

5 шілденің кешінде Алматыда кәсіпқой бокс кеші өтеді. Басты жекпе-жекте Қанат Ислам мен Доминикан Республикасынан келген Хулио де Хесус жұдырықтасады. Боксшылар бір күн қалғанда бетпе-бет кездесіп, көз арбасты.

Балуан Шолақ атындағы спорт сарайы бокс жанкүйерлеріне есігін ашады. Бокс кешінде 10 бірдей боксшымыз алыс және жақын шет елдерден келген қарсыластарымен жекпе-жекке шығады.

Қанат Ислам 2017 жылдың қыркүйек айынан бері жекпе-жек өткізген жоқ. Астанада канадалық боксшы Брендон Кукпен жұдырықтасып, 9 раундта техникалық нокаутпен қарсыласын жеңген болатын. Одан кейінгі жекпе-жегін былтыр 23 маусымға белгілеген. Алайда отандасымыз жаттығу кезінде жарақат алып, жекпе-жек өтпей қалған-ды.

Отандасымыз Алматыдағы бокс кешінің басты жекпе-жегінде Доминикан Республикасынан келген боксшы Хулио де Хесуспен (27-1, 24 КО) жұдырықтасады. 36 жастағы қарсыласы кәсіпқой бокста 28 жекпе-жек өткізіп, тек біреуінде ғана жеңіліс тапқан. Ал 24 кездесуінде уақытынан бұрын жеңіске жеткен.

Қанат орта салмақ дәрежесі бойынша шаршы алаңға шығады. Алдағы жекпе-жектерінде де осы салмақта бақ сынайды.

- Білсеңіздер, өмірде түрлі жағдай болады. Жарақаттан ұзақ сауықтым. Қазір жекпе-жектерге дайынмын.

Қарсыласымды құрметтеймін және жекпе-жекке дайынмын. Бұрын 69 келіде өнер көрсеткенмін. Ал "Астана - Арланста" жүргенімде орта салмақта жұдырықтастым.  Бұл салмақта жұдырықтасуға дайынмын.

Қазір өзімді жайлы сезінемін. Бұл дивизиондағы бәсекеге дайынмын. Жақсы дайындық пен биік рухтың арқасында. Бастысы алға ғана жүріп, мақсаттарға жету.

Бұл бәсекелі салмаққа үлкен жекпе-жектер үшін келдік. Чемпион болуға дайынмын! Эгис Климаспен осы мәселе бойынша жұмыс істеп жатырмыз. Ол қазір Қазақстанда және бокс кешіне келу керек. Онымен жұмыс істеп, биік шыңдарға жетеміз, -  дейді Ислам.

Алматыдағы бокс кешінде жанкүйерлер Мадияр Әшкеевтің жекпе-жегін көреді. Отандасымыздың қарсыласы – Игорь Фаниян. Бастапқыда Павел Семеновпен жұдырықтасады деп күтілген. Алайда қарсыласы денсаулығына байланысты жекпе-жекке келуден бас тартқан.

Аса ауыр салмақта жұдырықтасатын Руслан Мырсатаевтың қарсыласы осал емес. Кезінде Майк Тайсонды нокаутпен ұтқан боксшы Дэнни Уильямспен жұдырықтасады.

Абылайхан Құсаинов (9-0, 6 КО) — Гарик Харутюнян (Армения, 3-1, 2 КО);

Асқар Ерубек (дебют) — Андрей Столярчук (Беларусь, 11-33-6, 2 КО);

Нұрсұлтан Аманжолов (дебют) — Павел Кроленко (Украина, 1-2, 1 КО);

Арман Рысбек (5-0, 4 КО) — Денис Чечета (Украина, 9-13-2, 8 КО);

Берікбай Нұрымбетов (3-0) — Карен Аветисян (Ресей, 9-24-4, 4 КО);

Бексұлтан Раушанов (Өзбекстан, 4-1, 3 КО) — Аскар Рагимов (Әзірбайжан, 3-2, 1 КО);

Сапарбай Айдаров (2-0, 2 КО) — Владислав Танцюра (Украина, 2-2, 1 КО). 

Қазақстандық спортсүйер қауым бокс кешін QazSport арнасынан тамашалай алады. Нұр-Сұлтан уақытымен сағат 18:30-да басталады.

0
Рейтинг: +3

Дайындаған: Нұржамал Үсенова
Фото: massaget.kz
Қосылған күні: 04 шілде, 18:39

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.