Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Massaget.kz порталының Экс-бас редакторы

Материал жіберу БЛОГ ЖАЗУ
Негізгі / Лайфстайл / Спорт / Жаңалықтар / Чемпиондар лигасы. "Ливерпуль" мен "Тоттенхэм" бірінші ойында жеңіске жетті

Чемпиондар лигасы. "Ливерпуль" мен "Тоттенхэм" бірінші ойында жеңіске жетті

Чемпиондар лигасы.

Футболдан Чемпиондар лигасы ширек финалындағы ойындар басталды. "Ливерпуль" мен "Тоттенхэм" өз алаңдарында өткізген бірінші ойында қарсыластарынан басым болды.

"Ливерпуль" (Англия) - "Порту" (Португалия) 2:0

"Энфильд" стадионында өткен ойында алаң иелері 2:0 есебімен айқын жеңіске жетті. Екі голды да мерсисайдтық команда бірінші таймда соқты. Роберто Фирмино үздік ойынымен көзге түсті. 5 минутта бразилиялық ойыншы берген пастан кейін Наби Кейта есеп ашты. Ал 26 минутта Фирмино өзі гол соқты.

Жеребе түскенде-ақ ағылшындық команда фаворит саналған. Бірінші ойында-ақ бір бас жоғары екенін байқатып, жартылай финалға қадам жасады. Қарымта ойын бір аптадан кейін "Порту" алаңында өтеді.


"Тоттенхэм" (Англия) - "Манчестер Сити" (Англия) 1:0

Ағылшындық клубтардың текетіресі қашан да қызық. Ойын нәтижесін болжап айту қиын. Сондай ойындардың бірі Лондонда өтті. "Тоттенхэм" командасы өзінің жаңа алаңында "Манчестер Ситиді" 1:0 есебімен ұтты.

Алаң иелеріне жеңіс сыйлаған голды 78 минутта Сон Хын Мин соқты. Ал Хосеп Гвардиола шәкірттерінің де мүмкіндігі болмады емес, болды. Бірінші тайм басында Серхио Агуэро пенальтиді сәтті орындай алмады. Аргентиналық шабуылшының тепкен добын Уго Льорис қайтара біліп, жергілікті жанкүйерлер мен командаластарының қошеметіне бөленді. Ал пенальти видеоқайталаудан кейін барып белгіленген болатын.

Бұл екі команда арасындағы ойын да бір аптадан кейін өтеді.  Екі кездесу нәтижесі бойынша жартылай финалға шыққан команда анықталады.


Ширек финалдағы ойындар бүгін түнде қайта жалғасады. Амстердамда "Аякс" пен "Ювентус", Манчестерде "Манчестер Юнайтед" пен "Барселона" кездеседі. Ойындар Нұр-Сұлтан уақытымен сағат түнгі 01:00-де басталады.

Фото: Reuters
Қосылған күні: 10 сәуір, 08:20

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.