Қазақстан құрамасы Ұлттар лигасындағы соңғы ойында Грузиядан ұтылды

Қазақстан құрамасы Ұлттар лигасындағы соңғы ойында Грузиядан ұтылды

Футболдан Қазақстан ұлттық құрамасы Ұлттар лигасындағы бәсекені аяқтады. Топтағы соңғы ойында Станимир Стойлов жаттықтыратын команда Тбилисиде Грузия құрамасына есе жіберді.

Ойында алаң иелері 2:1 есебімен жеңіске жетті. Үш гол да екінші таймда соғылды.

Тбилисидегі ойынға қақпашы Ненад Эрич, жартылай қорғаушылар Бауыржан Исламхан, Георгий Жуков пен Еркебұлан Тұңғышбаев барған жоқ. Жаттықтырушылар құрамы жастар мен өзге де ойыншыларға сенім артты.

"Тобыл" командасының қақпашысы Дмитрий Непогодов ұлттық құрама сапындағы алғашқы ойынына қатысты. Украиналық спортшы Қазақстан атынан қатысуға мүмкіндік алған еді.

Ойындағы алғашқы голды 59 минутта Георгий Меребашвили соқты. 83 минутта Георги Чакветадзе жеке шеберлігін танытып, есепті еселеді. Бұл ойыншы алғашқы ойында да гол соққан болатын. Жай гол емес, Ұлттар лигасындағы алғашқы тарихи голды да Қазақстан құрамасы қақпасында тулатқан еді.

89 минутта алаңға Оралхан Өміртаев шықты. Араға 1 минут сала гол соғып, есепті қысқартты. Бұл шабуылшының ұлттық құрамадағы алғашқы ойынындағы алғашқы голы болды.

Төреші қосқан қосымша 3 минутта есеп өзгеріссіз қалып, алаң иелері жеңіске жетті.

Топта 16 ұпай жинаған Грузия құрамасы 1-орын алды. Қазақстан құрамасы 6 ұпаймен 2-орынға тұрақтады. Латвия мен Андорра құрамалары 4 ұпаймен жарысты аяқтады. Соңғы ойында екі құрама 0:0 есебімен тең тарқасты.

Грузия құрамасы С дивизионына жоғарылады. Сондай-ақ 2020 жылғы Еуропа чемпионаты жолдамасына таласады.

Айта кетейік, Грузияны 2013-2015 жылдары "Қайрат" командасының тізгінін ұстаған Владимир Вайсс жаттықтырады.

Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

NASA Айға алғаш болып әйел ғарышкерді ұшырады
NASA Айға алғаш болып әйел ғарышкерді ұшырады
Нобель сыйлығына берілетін қаржы мөлшері өсті
Нобель сыйлығына берілетін қаржы мөлшері өсті
Шатырдан табылған ежелгі шайнек жарты миллион долларға сатылды
Шатырдан табылған ежелгі шайнек жарты миллион долларға сатылды
Джек Ма Қытайдағы ең бай адам мәртебесінен айырылды
Джек Ма Қытайдағы ең бай адам мәртебесінен айырылды
Өткен тәулікте 69 адам коронавирус инфекциясын жұқтырған
Өткен тәулікте 69 адам коронавирус инфекциясын жұқтырған
Екі ел еншілей алмай жүрген тау
Екі ел еншілей алмай жүрген тау