Қазақстан футбол федерациясы Әзірбайжан ұлттық құрамасымен жолдастық кездесу өткізу жөнінде келісімге келді. Бұл туралы ҚФФ баспасөз қызметі хабарлады.
БӨЛІСУ
Ойын 5 маусым күні елордадағы "Астана Арена" стадионында өтеді. Сондай-ақ Қазақстан мен Әзірбайжан жастар құрамалары да жолдастық матч ойнайтын болды. Кездесу 4 маусымға жоспарланған. Бұл ойын да "Астана Арена" стадионында өтеді.
Қазақстан мен Әзірбайжан құрамалары осыған дейін талай рет кездескен. Соңғы рет 2016 жылы Түркияда өткен жолдастық ойында отандастарымыз 1:0 есебімен жеңіске жеткен болатын.
Әзірбайжан құрамасы соңғы жаңарған ФИФА рейтингінде 126-орында тұр. Ал Қазақстан қарсыластарынан 7 саты жоғары орналасқан.