Дмитрий Баландин Испаниядағы жарыста екінші рет жеңіс тұғырына көтерілді
Фото:
ҚР ҰОК
Суда жүзу спортынан Олимпиада чемпионы Дмитрий Баландин Испанияның Малага қаласында өтіп жатқан халықаралық турнирде екінші алтынын алды.
Қазақстандық спортшы кеше 200 метрге брасс әдісімен жүзуде үздік шығып, рекорд жаңартқан еді. Бүгін 50 метрге брасс әдісімен жүзуде жеңімпаз атанды. Аталған қашықтықты Дмитрий 0:27.80 секундта жүзіп өтті. Ал Айбек Қамзенов 0:28.56 секунд көрсеткішімен үшінші орын алды.
100 метрге еркін әдіспен жүзуде Әділ Қасқабай күміс жүлдеге қол жеткізді. Сондай-ақ кеше Әділбек Мусин 50 метрге баттерфляй әдісімен жүзуде күміс жүлдегер атанған болатын.
Малагадағы жарыс екі күннен кейін аяқталады.
О. Сансызбай