Қазақстандық теннисші Зарина Дияс Манчестерде (Ұлыбритания) өтіп жатқан WTA санатындағы халықаралық турнирдің ширек финалына шықты. Отандасымыз 1/8 финалда аустралиялық теннисші Арина Родионованы жеңді.
1 сағат 6 минутқа созылған ойында Зарина Дияс қарсыласын екі сет қорытындысы бойынша жеңіп шықты. Бірінші сетте 6:2, екінші сетте 6:3 есебімен айласын асырды.
Қазақстандық тениисші ширек финалда Польша елінің теннисшісі Магдалена Фрешпен кездеседі. Зарина қазіргі WTA рейтингінде 207-орында болса, қарсыласы 264-орында тұр.
О. Сансызбай