Головкин-Альварес кездесуі "Жыл жекпе-жегі" атануы мүмкін

Головкин-Альварес кездесуі "Жыл жекпе-жегі" атануы мүмкін
Фото: vk.com (GGG)

"Forbes" басылымы қыркүйекте WBA (Super), IBO, WBC және IBF тұжырымдары бойынша орта салмақтағы әлем чемпионы Геннадий Головкин (37-0, 33 КО) мен мексикалық Сауль "Канело" Альварес (49-1-1, 34 КО) арасында өтетін кездесудің "Жыл жекпе-жегіне" үміткер болуы мүмкін екенін жазды, - деп хабарлайды Vesti.kz сайтының қазақ бөлімі.

- 2017 жыл - бокс үшін тарихта қалатын жекпе-жектер көп болмақ, болды да. Алда Лас-Вегаста өтетін GGG - Canelo кездесуі "Жыл жекпе-жегіне" үмітті болары сөзсіз" - деп жазады басылым. 

"Forbes" басылымы жекпе-жекте Геннадий Головкин мансабында ең жоғары сыйақыға ие болатыны туралы да жазған. Тіпті бұл кездесу қаржы табысы жағынан "ғасыр жекпе-жегіне" баланған Флойд Мейвезер мен Мэнни Пакьяо жекпе-жегін басып озуы да ғажап емес. 

Айта кетейік, Геннадий Головкин мен Сауль "Канело" Альварес арасындағы жекпе-жек 16 қыркүйек күні Лас-Вегастағы "T-Mobile Arena" кешенінде өтеді. 

Ө. Сансызбай