Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Арнайы жобалар директоры

Материал жіберу БЛОГ ЖАЗУ
Негізгі / Лайфстайл / Спорт / Жаңалықтар / Қанат Ислам Атыраудағы жетімдер үйіне сый жасады

Қанат Ислам Атыраудағы жетімдер үйіне сый жасады

Қанат Ислам Атыраудағы жетімдер үйіне сый жасады

Бүгін, 11 қарашада кәсіпқой боксшы Қанат Ислам Атыраудағы Сабыр Қазыбаев атындағы жетімдер үйіне барды. Бұл туралы Атырау облысы әкімдігінің баспасөз қызметі хабарлады.

Спортшы өңірге облыстық дене шынықтыру және спорт басқармасының шақыруымен келген.

- Біздің спортшылар Қанат Исламды өздеріне үлгі тұтады. Оның жеңістерінен шабыт алады. Әйгілі боксшыны жастарға шеберлік класын өткізуге және бірнеше кездесулер ұйымдастыру үшін шақырдық, - деді дене шынықтыру және спорт басқармасының басшысы Азамат Бекет.

Қанат Ислам шеберлік сабағын өткізбес бұрын Сабыр Қазыбаев атындағы жетімдер үйіне барды. Ол балалармен еркін әңгіме айтып, олардың дайындап қойған концертін тамашалады. Кездесу соңында Қанат Ислам балаларға плазмалық теледидар сыйлады.

- Сөзімнің соңында сіздерге мына бір нәрсені айтқым келеді. Өмірде түрлі жағдайлар болады. Кейде салың суға кетіп, бәрін тастап жатып алғың келеді. Бірақ мұндай кездерде өз-өзіңді қолға алып, табандылықты одан әрі еселей түсу керек. Біз таңдай қағып жүрген чемпиондар жетістікке бір ғана принциптің арқасында жетті. Ол - ешқашан берілмеу. Осы ережені өмірлік ұстаным етіп алатын болсаңдар жеңіске жетесіңдер, - деді Қанат Ислам.

Кездесуден соң боксшы жергілікті студенттермен әңгімелесіп, жас спортшыларға шеберлік сабағын өткізді. Сондай-ақ Атырау облысының әкімі Нұрлан Ноғаевпен кездесті.

Айта кетелік, Қанат Ислам 2012 жылы бірінші орта салмақта WBA Fedecaribe титулын жеңіп алған. Спортшы 2008 жылғы Олимпиаданың қола жүлдегері, спорт шебері. «Astana Arlans» (WSB) командасының капитаны болған.

Естеріңізге салайық, 29 қазанда Алматыда өткен жекпе-жекте Қанат Ислам ганалық Патрик Аллотейді жеңген еді. Осылайша, спортшы кәсіпқой бокста 22-ші жеңісіне қол жеткізді. Боксшы жекпе-жектерінің 18-ін нокаутпен аяқтаған. 

Кеше Қанат Исламның канадалық боксшымен жұдырықтасуы мүмкін екені туралы ақпарат хабарланған болатын. 

Фото: Атырау қаласы әкімдігі
Қосылған күні: 11 қараша 2016, 13:19

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.