Вьетнаның Дананг қаласында өтіп жатқан V Азия жағажай ойындарында Қазақстан құрамасының қоржынына алғашқы алтын жүлде түсті. Ашық суға жүзуде қазақстандық Виталий Худяков бірінші келді.
БӨЛІСУ
10 шақырым қашықтықта жүзуде Виталий Худяков алтыннан алқа тағынды. Ол аталған қашықтықты 2 сағат 2 минут 7 секундта жүзіп өтті. Күміс жүлдені қытайлық Ванг Венхао (2:04:55.9) иеленсе, қола медальға Мохаммед Салах (2:06:20.4) ие болды.
Əйелдер арасында 5 шақырымдық қашықтықта Ксения Романчук 5-ші орынға тұрақтады.
V Азия жағажай ойындары 3 қазан күні аяқталады.