Қазақстандық кәсіпқой боксшы, орта салмақта WBA, IBF IBO және WBC тұжырымдары бойынша әлем чемпионы атағына отандасымыз Геннадий Головкин Лондонда ашық жаттығу өткізді. Қазақстандық боксшының жаттығуына жиналғандардың саны көп болды.
GGG 10 қыркүйек күні Лондондағы «О2» аренасында британдық Келл Брукпен жұдырықтасады. Жекпе-жек алдында Гена бұқаралық ақпарат құралдары және жанкүйерлеріне арнап, ашық жаттығу өткізді. Отандасымыз Ұлыбританияда алғаш рет кездесу өткізбек.
Айта кетейік, Келл Брук бірінші орта салмақта жұдырықтасып келген боксшылардың бірі. Осыған дейін 36 кездесу өткізіп, барлығында жеңіске жеткен. Оның 25-де қарсыласын нокаутпен ұтқан. IBF чемпиондық атағына ие. Соңғы жекпе-жегін наурыз айының 26 жұлдызында өткізген. Шеффилд (Англия) қаласында өткен жекпе-жекте канадалық Кевин Бизьені екінші раундта нокаутпен ұтқан.
