Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ
Негізгі / Лайфстайл / Спорт / Жаңалықтар / «Реал» Чемпиондар лигасын ұтты (видео)

«Реал» Чемпиондар лигасын ұтты (видео)

«Реал» Чемпиондар лигасын ұтты (видео)

2015/2016 жылғы маусымдағы Чемпиондар лигасының жеңімпазы анықталды. Миланда өткен мадридтік дербиде жеңімпаз пенальти сериясында анықталып, «Реалдың» асығы алшысынан түсті. 

«Сан-Сиродағы» мадридтік дерби тартысқа толы басталды. Алғашқы минуттардан «Реал» алға ұмтылса, «Атлетико» қорғанысты басты назарға ұстаумен болды. 6 минутта Гарет Бэйлдің айып соққысынан асырған пасына Каземиро бірінші жетіп, қақпаға соққы бағыттады. Бұл сәтте қақпашы Ян Облак допты сәтті қайтара білді.

«Корольдік клубтың» шабуылда ширақ қимылдауы өз нәтижесін көп күттірген жоқ. 15 минутта Тони Кроостың айып соққысынан тепкен добын Гарет Бэйл қақпаға бағыттады. Бұл сәтте команда капитаны Серхио Рамос алға ұмтылып, ойындағы есепті ашты. Бір қарағанда ойыншының аяғы допқа тимегендей болып та, оффсайд секілді де көрінген. Дегенмен бас төреші Марк Клаттенбург голды есепке алды. Нәтижесінде Серхио Рамос екі бірдей финалда гол соққан алғашқы қорғаушы атанды. Естеріңізде болса, 2014 жылы өткен финалда Серхио командасын соңғы сәтте жеңілістен құтқарып қалған болатын.

Бірінші тайм «Реалдың» басымдығымен өтті. Бірақ команданың үздік сұрмергендерінің бірі Криштиану Роналду ерекше ойынымен көзге түсе алмады. Бәлкім португалдық шабуылшыға жақында алған жарақаты кедергі болса керек. Ал «Атлетико» сапынан Фернандо Торрес көзге түскен жоқ.

Екінші тайм «Атлетиконың» ширақ шабуылымен басталды. 47 минутта айып алаңында Пепе Фернандо Торреске қарсы ереже бұзды. Нәтижесінде ағылшын төрешісі «Реал» қақпасына пенальти белгіледі. 11 метрлік айып соққысын Антуан Гризманн сәтті орындай алмады. Француз шабуылшысының тепкен добы қақпа бағанынан кері қайтты. Диего Симеоне шәкірттері таразы басын теңестіретін тамаша мүмкіндікті пайдалана алмады.

54 минутта «Атлетиконың» кезекті шабуылы қауіпті шықты. Кейлор Навас қақпасының алдындағы қарбаласқан сәтте Стефан Савич есепті теңестіре алмады.

70 минутта «Реалдың» екінші голын соғуына мүмкіндік болды. Еуропа чемпионатынан тыс қалған Карим Бензема Ян Облактан айласын асыра алмады. Араға 5 минут сала Гарет Бэйл өз мүмкіндігін пайдалана алмады.

79 минутта «Атлетиконың» жүйелі шабуылы өз нәтижесін берді. Хуанфранның асырған пасын Янник Феррейра Карраско голға айналдыра білді. Нәтижесінде таразы басы теңесті.

Соңғы минуттар тартысы қыза түсті. Дегенмен 1:1 есебі өзгере қойған жоқ. Әсіресе қосымша уақытта «Атлетиконың» қауіпті шабуылын Серхио Рамос ойын ережесін бұзу арқылы тоқтатып, сары қағаз алды.

Негізгі уақытта жеңімпазды анықтай алмаған қос клуб қосымша уақытқа жүгінді. Қосымша уақытта аса қауіпті сәттер орын ала қойған жоқ. Қорытындысында жеңімпаз ойын соңындағы пенальти сериясында анықталды. «Атлетико» сапынан Хуанфран 11 метрліктен мүлт кетіп, Криштиану Роналду жеңіс пенальтиін орындады. 

Айта кетейік, мадридтік «Атлетико» осы маусымдағы Чемпиондар лигасының топтық кезеңінде елордалық «Астанамен» бірге ойнаған болатын. Мадридте алаң иелері қосалқы құраммен барған Станимир Стойлов шәкірттерін 4:0 есебімен жеңсе, Астанадағы ойын 0:0 есебімен аяқталған еді. 

Фото: vk.com
Қосылған күні: 29 мамыр 2016, 03:06

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.