Алматы - 2022 жылғы Ақ Олимпиаданы өткізуге басты үміткер

Алматы - 2022 жылғы Ақ Олимпиаданы өткізуге басты үміткер

Халықаралық олимпиада комитетінің (ХОК) атқарушы комитеті Алматы (Қазақстан), Осло (Норвегия) және Пекин (Қытай) қалаларын 2022 жылғы қысқы Олимпиада ойындарын қабылдауға үміткер қалалар ретінде ресми түрде бекітті.  

Бұл туралы бүгін, 7 шілде күні ХОК атқарушы комитетінің Лозаннада өткен жиынында белгілі болды. Айта кетейік, Норвегия астанасы Осло қаласы 1952 жылы Ақ Олимпиаданы өткізіп үлгерсе, «аспанасты елі» астанасы Пекин қаласында да 2008 жылы жазғы Олимпиада болып өтті. Үш кандидаттың ішінде Қазақстанның бас қаласы ғана мұндай деңгейдегі байрақты бәсекені қабылдап көрмеген.    

Осыған дейін 2022 жылғы Олимпиада ойындарын қабылдауға үміткерлер арасынан Стокгольм (Швеция), Краков (Польша) және Львов (Украина) қалалары түрлі себептерге байланысты өз еріктерімен бас тартқан еді.

Ал 2022 жылғы Олимпиданы өткізу бақыты кімге бұйыратынын келесі жылдың жазында ХОК-тің Малайзияда өтетін жеңімпазды жариялау салтанатында біле аламыз. Естеріңізге салар болсақ, 2014 жылғы қысқы ойындар Сочиде өткен болса, 2018 жылғы Олимпиада оңтүстіккореялық Пхенчханда жалауын көтермек.  

Көпшілік мамандар Алматы қаласын үш үміткердің ішіндегі фавориті санап отыр. Оңтүстік астанамызға аталған ойындарды өткізу үшін тек екі объект қана (бобслей трассасы мен үлкен мұз айдыны кешені) салу жеткілікті екен.

Дайындаған: Болат Қосмағамбет

Сурет: news.nur.kz

Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

Тест: Ағылшынша сленгті қаншалықты жақсы білесіз?
Тест: Ағылшынша сленгті қаншалықты жақсы білесіз?
Артем Резников азулы ресейлік файтерді жеңді
Артем Резников азулы ресейлік файтерді жеңді
Әлемдегі ең қауіпті елдер
Әлемдегі ең қауіпті елдер
2020 жылғы "Болашақ" стипендиясы иегерлерінің тізімі жарияланды
2020 жылғы "Болашақ" стипендиясы иегерлерінің тізімі жарияланды
НАСА тіршілік іздерін іздеу мақсатында Шолпан планетасына зонд жібермек
НАСА тіршілік іздерін іздеу мақсатында Шолпан планетасына зонд жібермек
Итбегілік өнері ресми спорт түріне қосылуы мүмкін
Итбегілік өнері ресми спорт түріне қосылуы мүмкін