Конфедерация кубогын Португалия ұтады – болжам

17 маусым мен 2 шілде аралығында Ресейде футболдан Конфедерация кубогы турнирі өтеді. Халықаралық жарысқа ресейлік сарапшылар өз болжамдарын ұсынды.

Г.В. Плеханов атындағы Ресей экономикалық университетінің стратегиялық зерттеу орталығының сарапшылары халықаралық турнирде Португалия құрамасы жеңімпаз атанады деген болжам жасады. Олар болжам жасауда елдің дамуы, саяси-экономикалық жағдайы, тарихи және спорттық саласы, құрамалардың соңғы жетістіктері мен ойындарына сүйенген. Мұның барлығы команданың жеңіске жетуіне себепші фактор ретінде қарастырылған.

Ресейлік сарапшылардың болжамы бойынша жартылай финалда Ресей – Германия, Чили – Португалия құрамалары кездеседі. «Финалда португалдықтар немістерді, үшінші орын үшін таласта чилиліктер ресейліктерден айласын асырады» - деген ойға келген.

Айта кетейік, Ресейдегі Конфедерация кубогына 8 ұлттық құрама қатысады. Олар 2 топқа бөлінген.

«A» тобы: Ресей, Жаңа Зеландия, Португалия, Мексика.

«B» тобы: Камерун, Чили, Аустралия, Германия.

Ойындар кестесі:

17 маусым

21:00. Ресей – Жаңа Зеландия. Санкт-Петербург. «Санкт-Петербург» стадионы.

18 маусым

21:00. Португалия – Мексика. Қазан. «Казань Арена» стадионы.
00:00. Камерун – Чили. Мәскеу. «Спартак» стадионы.

19 маусым

21:00. Аустралия – Германия. Сочи. «Фишт» стадионы.

21 маусым

21:00. Ресей – Португалия. Мәскеу. «Спартак» стадионы.
00:00. Мексика – Жаңа Зеландия. Сочи. «Фишт» стадионы.

22 маусым

21:00. Камерун – Аустралия. Санкт-Петербург. «Санкт-Петербург» стадионы.
00:00. Германия – Чили. Қазан. «Казань Арена» стадионы.

24 маусым

21:00. Мексика – Ресей. Қазан. «Казань Арена» стадионы.
00:00. Жаңа Зеландия – Португалия. Санкт-Петербург. «Санкт-Петербург» стадионы.

25 маусым

21:00. Чили – Аустралия. Мәскеу. «Спартак» стадионы.
00:00. Германия – Камерун. Сочи. «Фишт» стадионы.

28 маусым

00:00. Жартылай финал 1. A1 – B2. Қазан. «Казань Арена» стадионы.

29 маусым

00:00. Жартылай финал 2. B1 – A2. Сочи. «Фишт» стадионы.

2 шілде

18:00. Үшінші орынға талас. Мәскеу. «Спартак» стадионы.
00:00. Финал. Санкт-Петербург. «Санкт-Петербург» стадионы.

*Ойындар Астана уақытымен көрсетілген

Конфедерация кубогын елімізде «KazSport» арнасы тікелей эфирде көрсететін болады.