Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ
Негізгі / Лайфстайл / Спорт / Бұл қызық / "ПСЖ" УЕФА-ға шағым түсірді немесе төрешінің 7 қателігі

"ПСЖ" УЕФА-ға шағым түсірді немесе төрешінің 7 қателігі

Чемпиондар лигасы 1/8 финалының қарымта ойынында "Барселонаға" 6:1 есебімен ұтылып, жарыс жолынан шығып қалған Париждің "ПСЖ" футбол клубы УЕФА-ға шағым түсірді. Шағымда ойынға қазылық жасаған неміс төрешісі Дениз Айтекиннің 7 қателігі жазылған.

"ПСЖ" клубы ойынның әр сәтін саралап, төрешінің көп тұста қателескенін алға тартып отыр. Халықаралық дәрежедегі төрешінің мұндай қателікке бой алдыруын қатаң сынауда. Олай болса париждік команданың төреші шешімімен келіспейтін тұстарын оқи отырыңыздар.

1. Бірінші таймда Юлиан Драклердің тепкен добы "Барселона" ойыншысы Хавьер Маскераноның қолына тиді. Бұл сәтті төреші назардан тыс қалдырды.

2. Пике 41 минутта екінші сары қағазын алуы тиіс болатын. Ол Эдинсон Каваниге қарсы дөрекі ойнаған-ды.

3. Неймар айып алаңында құлағанда қорғаушы Менье әдейі ойын ережесін бұзған жоқ. Бразилиялық пенальти алу үшін құйтырқы әрекетке барды.

4. Неймар ойында қызыл қағаз алып, алаңнан қуылуы тиіс болатын. Есеп 3:1 болып жатқанда бразилиялық "ПСЖ" қорғаушысы Маркиньостың аяғынан тепті. Бұл тұста қарсыласқа деген құрметі болмаған футболшыны төреші жазалауы тиіс еді.

5. Есеп 3:1 болып тұрғанда Пике айып алаңында қолмен ойнады. 78 минутта Анхель Ди Марияның асырған добы қорғаушының қолына тигенін байқауға болады. Төреші бұл сәтті назардан тыс қалдырған.

6. Хавьер Маскерано Анхель Ди Марияға қарсы ойын ережесін бұзған болатын. Ол үшін төреші қызыл қағаз бен "Барселона" қақпасына пенальти белгілеуі тиіс еді. Бірақ Дениз Айтекиннің шешімі басқа болды. Ойын аяқталған соң "Барселона" қорғаушысы ойын ережесін бұзғанын мойындады да.

7. Ойындағы есеп 4:1 болып тұрғанда Луис Суарес "ПСЖ" айып алаңында құлады. Оған қарсы Маркиньос ереже бұзған жоқ. Төреші пенальти емес, уругвайлық шабуылшыға құйтырқы қылығы үшін екінші сары қағаз көрсетіп, алаңнан қууы тиіс еді.

Ойынның толық нұсқасы

Айта кетейік, "ПСЖ" өз алаңында "Барселонаны" 4:0 есебімен ұтып, қарымта ойында 6:1 есебімен ұтылып қалған болатын.

Бүгін түнде Чемпиондар лигасы жалғасады. "Лестер" (Англия) мен "Севилья" (Испания), "Ювентус" (Италия) пен "Порту" (Португалия) командалары арасындағы қарымта ойындар өтеді.

Фото: ftbl.ru
Қосылған күні: 14 наурыз 2017, 16:34

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.