Роналду Головкинге қолы қойылған жейдесін сыйлады
Фото:
sovsport.ru
Танымал португалдық футболшы Криштиану Роналду қазақстандық боксшы Геннадий Головкинді туған күнімен құттықтап, қолы қойылған жейдесін сыйға тартты. Осыған дейін мадридтік клубтың үздік сұрмергені Генаның «instagram» желісіндегі ресми парақшасына жазылған еді.
Айта кетейік, GGG 8 сәуір күні 34 жасқа толған болатын.
Орта салмақта WBA (Super), WBС (Interim), IBF және IBO нұсқалары бойынша әлем чемпионы атағына ие отандасымыз 23 сәуір күні шаршы алаңға шығады. Қарсыласы – америкалық Доминик Уэйд.
Ө. Сансызбай