Ресей құрамасы екінші ойын қатарынан жеңіске жетті

Ресей құрамасы екінші ойын қатарынан жеңіске жетті
Фото: vk.com

Футболдан Ресей ұлттық құрамасы алғаш болып әлем чемпионатының 1/8 финалына шығуға таяу тұр. "А" тобындағы екінші ойында алаң иелері Египет құрамасын 3:1 есебімен ұтты.

Ойындағы 4 гол да екінші таймда соғылды. 47 минутта Ахмед Фатхи өз допты сәтсіз қайтарып, өз қақпасына гол соғып алды. 59 минутта Денис Черышев әлем чемпионатындағы үшінші голын соғып, жергілікті жанкүйерлерді қуантты. Араға 3 минут сала Артем Дзюба есепті 3:0-ге жеткізді.

73 минутта ресейліктер өз айып алаңдарында ойын ережесін бұзып, бас төреші Касерес пенальти соққысын белгіледі. 11 метрлік айып добынан Мұхаммед Салах мүлт кеткен жоқ.

Екі ойын қорытындысы бойынша Ресей құрамасы өз тарихында алғаш рет әлем чемпионатының плей-офф кезеңіне шықты. Келесі ойынын Уругвайға қарсы өткізеді.

Екі ойын қорытындысы бойынша Ресей құрамасы "А" тобында көш басына шықты. Келесі ойынын Уругвайға қарсы өткізеді. Ал Уругвай құрамасы ертең Сауд Арабиясын ұтпай-ақ тең ойнаса да, қос құрама плей-оффқа шығады. 

Ө. Сансызбай