Қазақстандық боксшы Азия чемпионатын жеңіспен бастады
Фото:
© olympic.kz
Қазақстандық Серік Теміржанов бокстан Аммандағы Азия чемпионатын жеңіспен бастады, - деп хабарлайды Massaget.kz тілшісі.
57 келіге дейінгі салмақтағы жарыста 1/8 финалда ол түрікменстандық Ихлас Гылычжановпен жұдырықтасты. Теміржанов қарсыласын төрешілер шешімімен жеңді.
Еске салайық, Серік Теміржанов былтыр Белградта өткен әлем чемпионатында күміс медаль алған, сонымен қатар ол - жастар арасында Азия чемпионы.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Е. Төлеш