"Неткен сұлу". 63 жаста той көйлегін киген әйел Желі қолданушыларын тәнті етті

Блогер Бота Әбдіраманова анасының арманын орындап, әлеуметтік желі қолданушыларын таңғалдырды, - деп хабарлайды Massaget.kz тілшісі.

Блогер видеода анасы өз тойында салтанатты той көйлегін кие алмағанын айтады. Бота Әбдіраманова анасының арманын орындағысы келеді. Оның бұл идеясы ата-анасының үйленгеніне 40 жыл болған сәтпен, яғни лағыл тойға тұспа-тұс келеді.

Посмотреть эту публикацию в Instagram

Публикация от Bota Abdiramanova (@bota.abdiramanova)

"63 жаста тұрмысқа шығу кеш деп кім айтты?", – деп жазды блогер бейнеролик астына.

Той көйлегін киген блогердің анасы ғана емес: әкесі де классикалық костюм киді. Видео әлеуметтік желілерде кең тарап, қолданушыларды тәнті етті.

"Сондай сүйкімді жұп", "анасының энергетикасы қандай күшті", "анасы неткен сұлу" , - деп жазды Желі қолданушылары.

Оқи отырыңыз: Бақытты қарым-қатынастың құпиялары